فيديو: فَهْم درجة الحرارة

ما الأكبر؛ التغيُّر في درجة الحرارة من ٥٩°‎‎ إلى ٦٢°‎‎ أم من ٢٢°‎‎ إلى ٥١°‎‎‎؟

٠٢:٠٥

‏نسخة الفيديو النصية

ما الأكبر: التغير في درجة الحرارة من تسعة وخمسين درجة إلى اتنين وستين درجة، أم من اتنين وعشرين درجة إلى واحد وخمسين درجة؟

عشان نقدر نحكم أي من التغيرين دول أكبر، هنوجد الأول التغير من تسعة وخمسين لاتنين وستين، وعشان نوجد التغير بنقوم بطرح درجتين الحرارة، بنحط الدرجة الأعلى نطرح منها الدرجة الأقل.

هنجري عملية الطرح اللي عندنا دي رأسيًّا: اتنين ناقص تسعة، مش هينفع نطرح التسعة من الاتنين عشان التسعة أكبر من الاتنين، فهنستلف واحد من الستة اللي في العشرات هتصبح خمسة، والاتنين دلوقتي هتبقى اتناشر، دلوقتي نقدر نجري عملية الطرح عادي، اتناشر ناقص تسعة، ناتج الطرح هيبقى تلاتة، وبعدين خمسة ناقص خمسة هيبقى صفر، يبقى ناتج الطرح في العملية دي هيبقى تلاتة، يبقى التغير الحادث في درجة الحرارة من تسعة وخمسين لاتنين وستين هو تلات درجات مئوية.

دلوقتي بقى نوجد التغيُّر الحادث من اتنين وعشرين درجة إلى واحد وخمسين درجة، وده بإننا هنطرح درجتين الحرارة، هنبتدي بالدرجة الأعلى اللي هي واحد وخمسين ونطرح منها الدرجة الأقل اللي هي اتنين وعشرين، خلينا نجري عملية الطرح دي رأسيًّا: هنقول واحد وخمسين ناقص اتنين وعشرين، هنقول واحد ناقص اتنين مش هينفع عشان الاتنين أكبر من الواحد، هنستلف واحد من خانة العشرات فتصبح أربعة، وخانة الآحاد هيبقى فيها حداشر، كده نقدر نطرح حداشر ناقص اتنين ناتج الطرح هيبقى تسعة، وبعدين أربعة ناقص اتنين اللي في العشرات، هيبقى ناتج الطرح في العشرات هو اتنين؛ يبقى كده التغير الحادث ده هو اتنين وعشرين درجة.

يبقى لو جينا نقارن التغيرين اللي عندنا هنلاقي واحد بتلات درجات، التغير الآخر اتنين وعشرين درجة، فبالطبع هيبقى التغير الأكبر هو اتنين وعشرين درجة، اللي هو حدث ما بين اتنين وعشرين إلى واحد وخمسين درجة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.