فيديو: اختيار التغيُّر الصحيح في القياس الإحصائي عند إضافة إحدى قِيَم البيانات إلى مجموعة البيانات

يوضِّح الجدول متوسِّط سقوط الأمطار في شهر أبريل بالبوصة في ١٢ مدينة. إذا أُضيفت مدينة أخرى مع القيمة ٢٫١ إلى الجدول، فأيٌّ من التالي صحيح؟ [أ] المنوال سيقلّ. [ب] المتوسّط سيقلّ. [ج] المتوسّط سيزداد. [د] الوسيط سيزداد.

٠٢:١٩

‏نسخة الفيديو النصية

يوضّح الجدول متوسّط سقوط الأمطار في شهر أبريل بالبوصة في اتناشر مدينة. إذا أُضيفت مدينة أخرى مع القيمة اتنين وواحد من عشرة إلى الجدول، فأيٌّ من التالي صحيح؟ وعندنا الجدول فيه مجموعة من القيم. ومجموعة الاختيارات هي؛ أ: المنوال سيقلّ. ب: المتوسّط سيقلّ. ج: المتوسّط سيزداد. والاختيار الأخير د: الوسيط سيزداد.

هنبصّ على الاختيار الأولاني، وهو: المنوال سيقلّ. المنوال هو القيمة الأكثر تكرارًا في مجموعة البيانات. يعني القيمة اللي اتكرّرت أكتر من غيرها. قبل ما نضيف القيمة اتنين وواحد من عشرة، كانت القيمة الأكتر تكرارًا هي اتنين وواحد عشرة؛ لأنها اتكرّرت مرتين، وكل البيانات التانية اتكرّرت مرة واحدة. يبقى المنوال اتنين وواحد من عشرة. ولو أضفنا المدينة الأخرى، اللي مع القيمة اتنين وواحد من عشرة، هيفضل برضو المنوال اتنين وواحد من عشرة. وعشان كده المنوال لن يتغيّر. وهيبقى الاختيار الأول مرفوض.

الاختيار التاني: المتوسّط سيقلّ. المتوسّط هو عبارة عن مجموع القيم مقسوم على عدد القيم. عايزين نجيب المتوسّط قبل إضافة المدينة، اللي هي مع القيمة اتنين وواحد مع عشرة. هنجمع كل القيم اللي في الجدول، ونقسمهم على عدد القيم. يعني نجمع أربعة وخمسة من عشرة، زائد واحد واتنين من عشرة، زائد أربعة وأربعة من عشرة، وهكذا. نجمع كل القيم، ونقسمهم على عدد القيم.

مجموع القيم هيساوي أربعة وتلاتين وستة من عشرة. هنقسمه على عدد القيم، اللي هو اتناشر. وده هيساوي تقريبًا اتنين وتمنية وتمانين من مية. أمَّا المتوسّط بعد إضافة المدينة اللي مع القيمة اتنين وواحد من عشرة. فهيساوي مجموع القيم، اللي هيبقى في الحالة دي ستة وتلاتين وسبعة من عشرة، على عدد القيم اللي هيبقى تلتاشر. وعدد القيم بقى تلتاشر؛ لأننا أضفنا قيمة إلى الجدول. وهيبقى المتوسّط بيساوي بالتقريب اتنين واتنين وتمانين من مية. هنلاحظ إن المتوسّط كان اتنين وتمنية وتمانين من مية. وبقى اتنين واتنين وتمانين من مية. معنى كده إن المتوسّط قلّ.

وهيبقى الاختيار الصحيح هو الاختيار ب: أن المتوسّط سيقلّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.