فيديو: تقريب الأعداد العشرية لأقرب جزء من المائة

قرّب ٣٨٫٧٧٩٣ إلى أقرب جزء من مائة.

٠١:٢٤

‏نسخة الفيديو النصية

قرّب تمنية وتلاتين وسبعة آلاف سبعمية تلاتة وتسعين من عشرة آلاف، إلى أقرب جزء من مائة.

أول رقم على يمين العلامة العشرية، ده بيبقى في خانة الأجزاء من عشرة. الرقم اللي على يمينه، بيبقى في خانة الأجزاء من مائة. والرقم اللي على يمينه، هيبقى في خانة الأجزاء من ألف. والرقم اللي بعده على اليمين، هيبقى في خانة الأجزاء من عشرة آلاف. وإحنا مطلوب منّنا في السؤال، نقرّب العدد ده لأقرب جزء من مائة.

يبقى هنيجي على خانة الأجزاء من مائة، ونحطّ خط تحت الرقم اللي في الخانة دي. وبعدين نشوف الرقم اللي على يمينه مباشرةً. لو كان خمسة فأكتر، يبقى هنزوّد الرقم اللي تحته خط بمقدار واحد. وكل الأرقام اللي على يمينه هتتحوّل لأصفار.

فالعدد ده كده لمّا نيجي نقرّبه. هنيجي على الرقم اللي في خانة الأجزاء من مائة، لمّا نزوّده واحد هيصبح تمنية، وعلى يمينه هتبقى أصفار. والأصفار اللي على اليمين بعد العلامة في نهاية العدد، ما بيبقلهاش أيّ قيمة. فبنقدر نكتب العدد بالشكل ده: تمنية وتلاتين وتمنية وسبعين من مية. وهو ده العدد بعد التقريب لأقرب جزء من مائة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.