فيديو: إيجاد مساحة دائرة بمعلومية نصف القطر

احسب مساحة الدائرة لأقرب رقمين عشريين.

٠١:٣٨

‏نسخة الفيديو النصية

احسب مساحة الدائرة لأقرب رقمين عشريين.

ومعطى عندنا الدايرة اللي في الشكل، والمطلوب إننا نوجد مساحة الدايرة. وخلّينا في الأول نفتكر إن مساحة الدايرة بتساوي حاصل ضرب 𝜋 في مربع نصف القطر، يعني هتساوي 𝜋 في نق تربيع. ومن الشكل اللي عندنا، هنلاحظ إن معطى نصف القطر، واللي بيساوي اتنين؛ فمعنى كده إننا هنعوّض في قانون مساحة الدايرة عن نق باتنين. فهتبقى مساحة الدايرة بتساوي 𝜋 في اتنين تربيع، فلمّا نحسبها هتبقى بتساوي أربعة 𝜋؛ لأن اتنين تربيع بتساوي أربعة.

بعد كده، بعد كده عشان نوجد مساحة الدايرة، يبقى هنعوّض عند 𝜋 بقيمتها اللي على الآلة الحاسبة. فهنحسب أربعة في 𝜋 على الآلة الحاسبة، ولمّا نحسبها هتبقى بتساوي اتناشر وخمسة آلاف ستمية تلاتة وستين من عشر آلاف. وبما إننا بنحسب مساحة، فهتبقى الوحدة وحدة مربعة.

لكن المطلوب عندنا في السؤال إننا نوجد المساحة لأقرب رقمين عشريين، فمعنى كده إننا محتاجين نقرّب الناتج ده لأقرب رقمين عشريين. فلمّا نقرّبه هيبقى تقريبًا بيساوي اتناشر وسبعة وخمسين من مية. وزي ما قلنا إن إحنا بنحسب مساحة، فهتبقى الوحدة وحدة مربعة؛ وبالتالي هيبقى مساحة الدائرة اللي عندنا في الشكل لأقرب رقمين عشريين تقريبًا بتساوي اتناشر وسبعة وخمسين من مية وحدة مربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.