فيديو: إيجاد مساحة الدائرة

باستخدام قانون المساحة، أوجد مساحة الدائرة الملونة، لأقرب جزء من مائة.

٠١:٤٤

‏نسخة الفيديو النصية

باستخدام قانون المساحة، أوجد مساحة الدائرة الملوَّنة لأقرب جزء من مائة.

ومعطى عندنا الدايرة اللي في الشكل، وعايزين نوجد مساحة الدائرة. وفي الأول خلينا نفتكر إن مساحة الدايرة بتساوي حاصل ضرب 𝜋 في مربع نُص القطر، يعني هتساوي 𝜋 نق تربيع. ومن الشكل هنلاحظ إن هو ده مركز الدايرة، وبالتالي هيبقى نُص قطر الدايرة اللي هو ده، واللي عايزين نوجد طوله. فمن الشكل هنلاحظ إن كل مربع من المربعات دي بيمثّل وحدة مربعة، فمعنى كده إن طول نصف القطر اللي عندنا هو عبارة عن طول وحدتين، فبالتالي هيبقى طول نُص القطر بيساوي وحدتين؛ فمعنى كده إننا عشان نوجد مساحة الدايرة اللي عندنا في الشكل يبقى هنعوّض عن نق باتنين.

فتبقى مساحة الدايرة بتساوي 𝜋 في نق تربيع، وهنعوّض عنها باتنين، فهتبقى اتنين تربيع. فلمّا نحسب اتنين تربيع هتساوي أربعة، فأربعة في 𝜋 يعني بتساوي أربعة 𝜋. بعد كده هنحسب أربعة 𝜋 باستخدام الآلة الحاسبة، وهنعوّض عن 𝜋 بقيمتها على الآلة الحاسبة، فلمّا نحسبها هتبقى بتساوي اتناشر وخمسة آلاف ستمية تلاتة وستين من عشر آلاف.

لكن المطلوب في السؤال إننا نوجد مساحة الدايرة لأقرب جزء من مائة، فبالتالي لمّا نقرّب الناتج اللي عندنا لأقرب جزء من مائة، هيبقى تقريبًا بيساوي اتناشر وسبعة وخمسين من مية. وبما إننا بنوجد مساحة، فبالتالي هتبقى الوحدة وحدة مربعة؛ وبالتالي تبقى مساحة الدائرة الملوَّنة اتناشر وسبعة وخمسين من مية وحدة مربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.