فيديو: تحديد مجموعة حل متباينة خطية بواسطة الأعداد الصحيحة الموجبة

أوجد مجموعة حل ٢ − ﺱ ⩽ −٨؛ حيث ﺱ ∈ ﺹ^+.

٠١:٢٤

‏نسخة الفيديو النصية

أوجد مجموعة حل اتنين ناقص س أصغر من أو يساوي سالب تمنية؛ حيث س بتنتمي إلى ص موجب.

يبقى إحنا عايزين نوجد مجموعة الحل للمتباينة اللي قدامنا دي. بحيث إن كل عنصر من عناصر مجموعة الحل دي هيبقى بينتمي إلى المجموعة ص موجب. ص موجب هي جميع الأعداد الصحيحة الموجبة. اللي هي بتبدأ بواحد، وبعدين اتنين، وبعدين تلاتة، وهكذا.

طب دلوقتي إحنا إزاي بنقدر نوجد مجموعة الحل لأي متباينة؟ عايزين نوجد قيم س اللي بتمثّل حل المتباينة. يعني عايزين نخلّي المتغير س في أحد أطراف المتباينة لوحده. هنطرح اتنين من طرفَي المتباينة اللي عندنا، فهيصبح عندنا سالب س أصغر من أو يساوي سالب عشرة. هنضرب طرفَي المتباينة اللي عندنا في سالب واحد؛ عشان نخلّي المتغير س موجب مش سالب.

نفتكر كويس إن انا لمّا بنضرب المتباينة في أي عدد سالب، أو بنقسم على أي عدد سالب فبنعكس علامة المتباينة. يعني هيبقى عندنا س أكبر من أو يساوي عشرة. يبقى هنشوف ص موجب، ونشوف إيه الأعداد اللي أكبر من أو يساوي عشرة. ده معناها إن مجموعة الحل هتبقى كل الأعداد الصحيحة الموجبة اللي أكبر من أو يساوي عشرة. وبالتالي فهتبقى مجموعة الحل هي: عشرة، وحداشر، واتناشر … وهكذا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.