فيديو: إيجاد حاصل الضرب وناتج القسمة في صورة التدوين العلمي

توضيح صيغة التدوين العلمي وكيفية كتابة ناتج العمليات الحسابية في الصورة القياسية أو في صورة التدوين العلمي.

٠٨:٤٠

‏نسخة الفيديو النصية

إيجاد حاصل الضرب وناتج القسمة في صورة التدوين العلمي.

في البداية، التدوين العلمي بيكون على صورة يا إمّا أ في عشرة أُس ن، أو أ في عشرة أُس سالب ن. في الحالة دي، ممكن أقدر أستخدم صيغة التدوين العلمي؛ عشان أقدر أسهّل عملية ضرب وقسمة الأعداد الكبيرة جدًّا أو الأعداد الصغيّرة جدًّا.

على سبيل المثال: أوجد قيمة الآتي، ثم عبّر عن الناتج في صورة التدوين العلمي والصورة القياسية. اتنين في عشرة أُس سبعة، الكل مضروب في خمسة واتنين وأربعين من مية في عشرة أُس سالب خمسة. أوجد قيمة الآتي، ثم عبّر عن الناتج في صورة التدوين العلمي والصورة القياسية. اتنين في عشرة أُس سبعة، مضروبة في خمسة واتنين وأربعين من مية في عشرة أُس سالب خمسة.

في البداية، عشان أقدر أجيب ناتج الضرب أول حاجة هنضرب الاتنين في الخمسة واتنين وأربعين من مية. وبعد كده هضرب العشرة أُس سبعة في عشرة أُس سالب خمسة. وهضرب حاصل ضرب ده في حاصل ضرب ده. اتنين في خمسة واتنين وأربعين من مية بتساوي عشرة وأربعة وتمانين من مية، الكل مضروب في … عشرة أُس سبعة في عشرة أُس سالب خمسة هو عبارة عن عددين ليهم نفس الأساس. فبالتالي أقدر أجيب ناتج الضرب عن طريق جمع الأُسُس. يبقى مضروبة في عشرة أُس، سبعة زائد سالب خمسة. اللي هي بتساوي عشرة وأربعة وتمانين من مية، مضروبة في عشرة أُس اتنين.

عشرة وأربعة وتمانين من مية أقدر أكتبها في صورة التدوين العلمي عن طريق … عشرة وأربعة وتمانين من مية هي عبارة عن واحد وأربعة وتمانين من ألف، مضروبة في عشرة أُس واحد، الكل مضروب في عشرة أُس اتنين. يعني بيساوي واحد وأربعة وتمانين من ألف مضروبة في عشرة أُس تلاتة. وده أول مطلوب عندي: إني أعبّر عن الناتج في صورة التدوين العلمي.

تاني مطلوب: إني أعبّر عن الناتج في الصورة القياسية. واحد وأربعة وتمانين من مية في عشرة أُس تلاتة. هنحرّك العلامة العشرية لليمين تلات أماكن؛ لأن الـ ن قبلها إشارة موجبة، اللي هي الـ ن اللي بتساوي تلاتة. فبالتالي الناتج هيساوي، عفوًا، ألف أربعة وتمانين. وهو ده المطلوب التاني. يبقى إحنا عبّرنا عن الناتج في صورة التدوين العلمي وفي الصورة القياسية.

مثال آخر طالب منّي نفس الشيء؛ إني أجيب قيمة الآتي، وبعدين أعبّر عن الناتج في الصورة القياسية وفي صورة التدوين العلمي. هنكتب المثال التاني في صفحة جديدة. تلاتة وستاشر من ألف مضروبة في عشرة أُس تسعة، الكل مقسوم على اتنين واتنين وتلاتين من مية، مضروبة في عشرة أُس أربعة.

أول حاجة، هنقسم تلاتة وستاشر من ألف. هنبيّن بس الصفر؛ لأن الصفر مش واضح. هنقسم على اتنين واتنين وتلاتين من مية، الكل مضروب في عشرة أُس تسعة على عشرة أُس أربعة. تلاتة وستاشر من ألف على اتنين واتنين وتلاتين من مية، باستخدام الآلة الحاسبة، بتساوي واحد وتلاتة من عشرة. مضروبة في … عشرة أُس تسعة على عشرة أُس أربعة عبارة عن عشرة أُس، تسعة ناقص أربعة. يبقى الناتج اللي عندي هيساوي واحد وتلاتة من عشرة في عشرة أُس خمسة. وده بيكون صورة التدوين العلمي للناتج.

تاني حاجة طالبها مني: إني أجيب الصورة القياسية. عشان أقدر أجيب الصورة القياسية، أول حاجة أنا عندي واحد وتلاتة من عشرة مضروبة في عشرة أُس خمسة. الخمسة قبلها إشارة موجبة، فبالتالي هحرّك العلامة العشرية لليمين خمس أماكن. فبالتالي الناتج اللي عندي هيساوي مية وتلاتين ألف. وهي دي الصورة القياسية للناتج اللي مطلوبة منّي في المسألة.

مثال تاني في صفحة جديدة. مستطيل مساحته تلاتة وتمنية وأربعين من مية في عشرة أُس سبعة سنتيمتر مربع. وطوله خمستاشر من مية في عشرة أُس خمسة سنتيمتر. أوجد عرض المستطيل، ثم عبّر عنه في صورة التدوين العلمي والصورة القياسية.

في البداية، المستطيل أقدر أجيب مساحته عن طريق القاعدة اللي بتقول: إن مساحة المستطيل بتساوي حاصل ضرب طول المستطيل في عرضه. في المسألة هو مدّيني إن مساحة المستطيل بتساوي تلاتة وتمنية وأربعين من مية في عشرة أُس سبعة. وإن طول المستطيل بيساوي خمستاشر من مية في عشرة أُس خمسة، الكل مضروب في عرض المستطيل، اللي ممكن أرمز له بالرمز ع. في الحالة دي، أقدر أجيب عرض المستطيل عن طريق قسمة تلاتة وتمنية وأربعين من مية في عشرة أُس سبعة على، خمستاشر من مية في عشرة أُس خمسة.

أقدر أجيب ناتج القسمة عن طريق … أول حاجة هقسم تلاتة وتمنية وأربعين من مية على خمستاشر من مية، الكل مضروب في عشرة أُس سبعة على عشرة أُس خمسة. الناتج بيساوي، باستخدام الآلة الحاسبة، تلاتة وتمنية وأربعين من مية على خمستاشر من مية. بتساوي تلاتة وعشرين واتنين من عشرة. عشرة أُس سبعة على عشرة أُس خمسة هي عبارة عن عشرة أُس، سبعة ناقص خمسة. يعني بتساوي عشرة أُس اتنين. تلاتة وعشرين واتنين من عشرة أقدر أكتبها في صورة اتنين واتنين وتلاتين من مية في عشرة أُس واحد، الكل مضروب في عشرة أُس اتنين. يبقى في الحالة دي أقدر أقول: إن هي بتساوي اتنين واتنين وتلاتين من مية في عشرة أُس تلاتة. وهي دي صورة التدوين العلمي لعرض المستطيل بالسنتيمتر.

يبقى اتنين وتلاتة، عفوًا، اتنين واتنين وتلاتين من مية في عشرة أُس تلاتة سنتيمتر ده عرض المستطيل. واللي أقدر أكتبها في الصورة القياسية عن طريق … العشرة مرفوعة للأُس تلاتة، فبالتالي أحرّك العلامة العشرية لليمين تلات أماكن؛ لأن قبل التلاتة إشارة موجبة. فبالتالي عرض المستطيل بالصورة القياسية بيساوي ألفين تلتمية وعشرين سنتيمتر.

في الحالة دي، بنكون عرفنا إزّاي أقدر أستخدم التدوين العلمي في العمليات الحسابية، سواء كان ضرب أو قسمة الأعداد الكبيرة جدًّا أو الأعداد الصغيّرة جدًّا. وفي نفس الوقت إزّاي أعبّر عن الناتج في صورة قياسية أو في صورة التدوين العلمي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.