فيديو: كتابة عدد عشري في صورة نسبة مئوية

عبِّر عن ٩٫٨٤ في صورة نسبة مئوية.

٠١:٢٨

‏نسخة الفيديو النصية

عبر عن تسعة وأربعة وتمانين من مائة في صورة نسبة مئوية.

يعني مُعطى عندنا العدد العشري ده اللي هو تسعة وأربعة وتمانين من مية، وعايزين نكتبه في صورة نسبة مئوية. وخلينا نفتكر إن النسبة المئوية هي عبارة عن كسر مقامه مية؛ فمعنى كده إننا عشان نحوّل العدد العشري تسعة وأربعة وتمانين من مية إلى نسبة مئوية، يبقى هنحتاج نكتب كسر مكافئ ليه ويكون مقامه مية، وتقدر نكتب تسعة وأربعة وتمانين من مية في صورة كسر عن طريق إن يكون مقامه واحد، فكأننا بنقسم على واحد؛ يعني مش هنغير أي حاجة من قيمة العدد العشري.

فزي ما قُلنا علشان نكتبه في صورة نسبة مئوية، يبقى عاوزين نوجد كسر مكافئ ويكون مقامه مية؛ فمعنى كده عايزين نخلّي الواحد اللي في المقام هنا مية، يبقى هنضرب واحد في مية، وزي ما ضربنا المقام في مية، يبقى نضرب البسط في مية. فلمّا هنضرب البسط اللي هو تسعة وأربعة وتمانين من مية في مية، فمعنى كده إننا هنحرك العلامة العشرية مكانين جهة اليمين، فلمّا نحرك العلامة العشرية مكانين جهة اليمين، هيبقى بيساوي تسعمية أربعة وتمانين.

فبالتالي هيبقى الكسر اللي عندنا ده مقامه مية، فهو اللي بيعبر عن نسبة المئوية، ونقدر نكتبه في صورة نسبة مئوية بالشكل ده. فبالتالي هتبقى صورة النسبة المئوية للعدد العشري تسعة وأربعة وتمانين من مية هي تسعمية أربعة وتمانين في المية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.