فيديو: استخدام الصور لإيجاد ثلاثة أعداد صحيحة أكبر مجموع لها ٢٠

لدى كمال ١٥ سيارة ملوَّنة بالأحمر، والأزرق، والأخضر. أيٌّ من التالي يمكن أن يكون مجموعة سياراته. [أ] شكل أ [ب] شكل ب [ج] شكل ج

٠٢:٣٧

‏نسخة الفيديو النصية

لدى كمال خمستاشر سيارة، كمال عنده خمستاشر سيارة ملوّنة بالألوان دي: الأحمر والأزرق والأخضر، عاوزين نعرف أي شكل من الأشكال اللي قدامنا دي هيكون مجموع سياراته.

هل هو الشكل الأول، اللي بيتكوّن من أربع سيارات باللون الأخضر، وخمس سيارات باللون الأزرق، وأربع سيارات باللون الأحمر؟ ولّا الشكل التاني، اللي بيتكوّن من أربع سيارات باللون الأخضر، وستة باللون الأزرق، وأربعة باللون الأحمر؟ ولّا الشكل التالت، اللي بيتكوّن من ست سيارات باللون الأخضر، وخمس سيارات باللون الأزرق، وأربع سيارات باللون الأحمر؟

علشان نعرف أي شكل فيهم هو اللي صح، هنجمعهم، والعربيات أو السيارات اللي مجموعها هيساوي خمستاشر يبقى هو الشكل الصحيح. فلو جمعنا أول شكل، أو الشكل الأول، هنشوف ناتج جمع العربيات أو السيارات اللي فيه كام، فهنعدّهم كلهم: واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر؛ لقينا إن مجموعهم يساوي تلتاشر، ولكن كمال عنده خمستاشر عربية، يبقى الشكل الأول مش هو الشكل الصحيح.

نيجي للشكل التاني، ونجمع أربعة زائد ستة زائد أربعة، ونعدّ: واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر؛ ناتج جمعهم أربعتاشر، وبرضو مش بيساوي خمستاشر؛ يبقى الشكل ده كمان إيه؟ غلط.

نشوف آخر شكل: واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر؛ الشكل الأخير مجموع العربيات فيه خمستاشر، وإحنا قلنا إن كمال معاه خمستاشر سيارة؛ يبقى الشكل التالت هو الشكل اللي صح اللي فيه ناتج جمع ستة زائد خمسة زائد أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.