فيديو: تحديد النواتج الممكنة

يوضِّح الفيديو كيفية تحديد النواتج الممكنة لتجربةٍ باستخدام الجداول، وأمثلةً عليها.

٠٣:٥٠

‏نسخة الفيديو النصية

تحديد النواتج الممكنة.

في الفيديو ده هنتعلم إزاي نحدّد النواتج الممكنة لتجربة، باستخدام الجداول. التجربة هي فعل بنعمله، عشان نوصل لنتيجة، أو عشان نرصد ظاهرة معينة. فلمّا بنعمل أيّ تجربة، بنكون محتاجين نعرف كل النواتج الممكنة. عشان على أساسها، نبدأ ندرس اللي هيترتّب عليها. فيه أكتر من طريقة لتحديد النواتج الممكنة لأيّ تجربة. وإحنا هنشرح دلوقتي إزاي بنعمل كده، باستخدام الجداول.

لو مثلًا ولد بيلعب كرة السلة. ورمي الكرة باتجاه السلة مرتين. فإيه النواتج الممكنة اللي هيحصل عليها؟ ممكن نقول إنه لمّا يرمي الكرة، هيحصل حاجة من اتنين. إمّا إنها تبقى داخل السلة، إمّا إنها تبقى خارج السلة. فهنرسم الجدول بالشكل ده. لتسهيل الشرح، هنرقّم المربع. هنلاحظ إن في المربع رقم واحد، إن ناتج الرميتين إن الكرة هتبقى داخل السلة.

في المربع رقم اتنين، هيبقى ناتج الرمية الأولى إن الكرة داخل السلة. والرمية التانية إن الكرة خارج السلة. المربع رقم تلاتة، الرمية الأولى الكرة هتبقى خارج السلة. والرمية التانية الكرة هتبقى داخل السلة. المربع رقم أربعة، هيبقى الكرتين خارج السلة.

وبكده ممكن نقول إن عندنا أربع نواتج ممكنة للتجربة دي. الناتج الأول، إن الرميتين هيكونوا داخل السلة. اللي هو المربع رقم واحد. الناتج التاني، إن الرمية الأولى هتبقى داخل السلة، والرمية التانية هتبقى خارج السلة. اللي هو المربع رقم اتنين. الناتج التالت، إن الرمية الأولى هتبقى خارج السلة، والرمية التانية هتبقى داخل السلة. في المربع رقم تلاتة. والناتج الرابع والأخير، هو إن الرميتين هيبقوا الخارج السلة. زيّ ما في مربع رقم أربعة.

نتنقل لصفحة تانية، ونحل مثال تاني. عايزين نستعمل طريقة الجداول، عشان نوجد عدد النواتج الممكنة، لتجربة تدوير مؤشّر القرص، اللي هيظهر قدامنا دلوقتي، مرتين. هنرسم الجدول بالشكل ده. هنملا الفراغات اللي في الجدول، بنفس الطريقة. فهتبقى بالشكل ده. بعدين نعدّ النواتج الممكنة، اللي طلعت معانا دلوقتي. فهنلاقي عدد النواتج الممكنة، هيساوي ستاشر.

وبكده نبقى خلّصنا الفيديو، اللي شرحنا فيه كيفية تحديد النواتج الممكنة لتجربة، باستخدام الجداول.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.