فيديو: التحويل من الأكواب إلى باينت

ما عدد وحدات الباينت الموجودة في ٥ أكواب قياسية؟

٠١:٢٧

‏نسخة الفيديو النصية

ما عدد وحدات الباينت الموجودة في خمس أكواب قياسية؟

دلوقتي عندنا الباينت والكوب القياسي، دول من وحدات قياس السعة. هنلاقي إن العلاقة اللي بتربطهم ببعض إن الواحد باينت بيساوي اتنين كوب قياسي. وده معناه إن كل اتنين كوب عياري، هيملوا واحد باينت. يعني لو فضّينا اتنين من الأكواب العيارية في الإناء الكبير اللي قدامنا ده، هيوصل مستوى السائل إلى علامة واحد باينت. طب لو فضّينا كمان كوبين؟ هيبقى كده زوّدنا باينت تاني. يبقى كده معناها إن مستوى السائل عندنا، هيرتفع ويوصل لعلامة الاتنين باينت.

إحنا حطّينا أربع أكواب، ودول بيكافئوا اتنين باينت. طب لو زوّدنا كوب واحد كمان؟ يعني معناها إن إحنا ضِفنا نص باينت. نص باينت، وإحنا مستوى السائل كان وصل عندنا لاتنين باينت، فبقى مستوى السائل عندنا وصل عند علامة اتنين ونص باينت. لأن خمس أكواب، كل اتنين منهم هيكافئوا باينت، يبقى كده اتنين باينت. والكوب الخامس هيكافئ نص باينت، فكده بقى عندنا اتنين ونص باينت. كده عرفنا إن خمس أكواب قياسية هتكافئ اتنين ونص باينت.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.