فيديو: مقارنة البيانات في الأعمدة البيانية ذات الأربع مجموعات‎‎

يوضِّح الشكل البياني التالي الوقت الذي يستغرقه التلاميذ في الذهاب إلى مدرسةٍ ما. ما عدد التلاميذ الذين يستغرقون أكثر من ١٥ دقيقة؟

٠٢:٣٢

‏نسخة الفيديو النصية

يوضّح الشكل البياني التالي الوقت الذي يستغرقه التلاميذ في الذهاب إلى مدرسة ما. ما عدد التلاميذ الذين يستغرقون أكثر من خمستاشر دقيقة؟

الرسم البياني اللي قدامنا عبارة عن تمثيل بالأعمدة للوقت اللي بيستغرقه التلاميذ في الذهاب إلى المدرسة، وعدد التلاميذ المُناظر لكل وقت من الأوقات المسجّلة.

عندنا مثلًا فيه مجموعة بتستغرق خمس دقائق في الوصول إلى المدرسة، عشان نقدر نعرف عددهم؛ هنيجي عند قمة العمود اللي موجود فوق القيمة خمسة، ونرسم خط أفقي هيقطع المحور اللي بيمثّل عدد التلاميذ في القيمة تمانين، اللي هي عبارة عن عدد التلاميذ اللي بيستغرقوا خمس دقائق.

بنفس الطريقة، فيه مجموعة أخرى بتستغرق عشر دقائق، عشان نعرف عددهم؛ هناخد خط أفقي من قمة العمود اللي مرسوم فوق القيمة عشرة، هيقطع المحور اللي بيمثل عدد التلاميذ في القيمة مية وأربعين؛ يبقى عدد التلاميذ اللي بيستغرقوا عشر دقائق هو مية وأربعين تلميذ.

وعدد التلاميذ اللي بيستغرقوا خمستاشر دقيقة، بنفس الطريقة هنرسم خط أفقي من قمة العمود اللي مرسوم على القيمة خمستاشر، وهنقطع بيه المحور اللي بيمثل عدد التلاميذ؛ هنلاقيه بيقطعه عند القيمة مية وعشرين؛ يبقى مية وعشرين تلميذ هيستغرقوا خمستاشر دقيقة.

آخر قيمة مسجّلة عندنا هي عشرين، وعدد التلاميذ المناظر ليها، بنفس الطريقة هنرسم خط أفقي من قمة العمود، وهيقطع المحور اللي بيمثل عدد التلاميذ في القيمة أربعين؛ يبقى عندنا أربعين تلميذ بيقطعوا المسافة إلى المدرسة في مدة مقدارها عشرين دقيقة.

نرجع للسؤال اللي كان مطلوب مننا؛ عدد التلاميذ اللي بيستغرقوا أكثر من خمستاشر دقيقة. دي القيمة خمستاشر، إحنا عايزين القيمة اللي بتليها، اللي هي عشرين؛ يبقى عايزين نشوف عدد التلاميذ اللي بيستغرقوا أكتر من خمستاشر، اللي هي هتبقى القيمة المناظرة للزمن عشرين دقيقة، اللي هي أربعين تلميذ.

يبقى عندنا أربعين تلميذًا يستغرقون أكثر من خمستاشر دقيقة في الذهاب إلى المدرسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.