تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: مقارنة الأعداد: عشرات الآلاف

نهال عصمت

يتناول الفيديو كيفية المقارنة بين عددين ضمن عشرات الآلاف، والعلامات المستخدمة للتعبير عن ذلك، وأمثلةً توضح ذلك.

٠٨:٠٩

‏نسخة الفيديو النصية

مقارنة الأعداد.

هنتعلم نقارن بين عددين ضمن عشرات الآلاف؛ يعني الأعداد المكونة من خمس خانات أو أقل.

هنبدأ نقارن باستخدام علامة أكبر من، أو علامة أصغر من، أو علامة يساوي. ممكن نستخدم كمان خط الأعداد للمقارنة بين الأعداد. هنلاقي الأعداد بتظهر بالترتيب على خط الأعداد.

هنبدأ نجيب صفحة جديدة، ونشوف مثال.

مبنيان ارتفاع إحداهما خمسة وعشرين مترًا، وارتفاع التاني تمنتاشر مترًا. فأيهما أطول؟

عشان نقدر نحدد أيهما أطول، هنبدأ نستخدم خط الأعداد للمقارنة. هنبدأ نرسم خط الأعداد بالشكل الآتي. هنبدأ نكتب الأعداد من خمستاشر إلى تلاتين. هنلاقي الأعداد بتظهر بالترتيب على خط الأعداد. وهنلاحظ كمان إن الأعداد بتزيد لو اتحركنا على خط الأعداد من اليسار إلى اليمين. يعني الأعداد بتزيد في الاتجاه ناحية اليمين.

هنلاحظ إن العددين اللي عايزين نقارن بينهم هو خمسة وعشرين وتمنتاشر. هنلاحظ إن خمسة وعشرين تقع يمين التمنتاشر. وبالتالي نقدر نقول إن خمسة وعشرين هتبقى أكبر من تمنتاشر. ونقدر نكتبها بطريقة تانية، وهي خمسة وعشرين أكبر من تمنتاشر.

وهنلاحظ كمان إن تمنتاشر تقع يسار … عفوًا، إن تمنتاشر تقع يسار خمسة وعشرين. وبالتالي نقدر نقول إن تمنتاشر هتبقى أصغر من خمسة وعشرين. ونقدر نكتبها بطريقة تانية، وهي إن تمنتاشر أصغر من خمسة وعشرين.

وبالتالي نقدر نقول إن المبنى الأول الذي طوله خمسة وعشرين مترًا، أطول من المبنى الثاني الذي طوله تمنتاشر مترًا.

كده اتكلمنا إزاي نقدر نقارن بين الأعداد باستخدام خط الأعداد. ممكن كمان نقارن باستخدام جدول القيم المكانية.

هنبدأ نجيب صفحة جديدة، ونشوف مثال يوضح أكتر.

تُخطّط عائلة للقيام برحلة إلى إحدى المدن الساحلية، ويمكن للعائلة المشي في أحد الطريقين التاليين. الطريق الأول: طوله تمنمية وأربعين كيلومترًا. والطريق الثاني: طوله تمنمية خمسة وتلاتين كيلومترًا. فأي الطريقين أقصر؟

عشان نعرف أي الطريقين أقصر، هنبدأ نستخدم جدول القيم المكانية للمقارنة بين العددين. هنبدأ نرسم جدول القيم المكانية بالشكل الآتي.

هنلاحظ إن عندنا العددين تمنمية وأربعين وتمنمية خمسة وتلاتين، كل عدد مكون من تلات أرقام. يبقى هنرسم الجدول مكوّن من تلات خانات. أول خانة هي خانة الآحاد. وتاني خانة هي خانة العشرات. وتالت خانة هي خانة المئات.

هنبدأ نكتب العددين داخل الجدول. العدد الأول هو تمنمية وأربعين. والعدد التاني هو تمنمية خمسة وتلاتين.

عشان نبدأ نقارن بين العددين هنبدأ نبص على الخانة ذات القيمة المكانية الأكبر، وهي خانة المئات. بعد كده هنبدأ نبص على خانة العشرات. وآخر حاجة هنبدأ نبص على خانة الآحاد. يعني هنقارن من اليسار إلى اليمين.

هنلاحظ إن خانة المئات في العدد الأول فيها تمنية، وفي العدد التاني فيها تمنية. يبقى عندنا خانة المئات متساوية.

يبقى بعد كده هنبدأ نبص على الخانة الأصغر وهي خانة العشرات. هنلاقي إن في العدد الأول خانة العشرات فيها أربعة، وفي العدد التاني خانة العشرات فيها تلاتة. وعندنا التلاتة عشرات أصغر من الأربعة عشرات.

يعني نقدر نقول إن العدد تمنمية خمسة وتلاتين هيبقى أصغر من العدد تمنمية وأربعين. وبالتالي نقدر نقول إن الطريق الثاني أقصر من الطريق الأول.

بعد كده هنبدأ نجيب صفحة جديدة، ونشوف مثال آخر.

أيهما أكبر: ألف تسعمية سبعة وتمانين جنيه أم حداشر ألف وربعمية جنيه؟

عشان نقارن بين العددين، هنبدأ نرسم جدول القيم المكانية، ونكتب فيه الأعداد. هنلاحظ إن عندنا عددين؛ أول عدد مكون من أربع أرقام، وتاني عدد مكون من خمس أرقام. معنى كده الجدول اللي هنرسمه هيتكوّن من خمس خانات.

أول خانة هي خانة الآحاد. وتاني خانة هي خانة العشرات. وتالت خانة هي خانة المئات. ورابع خانة هي خانة الآلاف. وخامس خانة هي خانة عشرات الآلاف.

هنبدأ نكتب الأعداد داخل الجدول. أول عدد هو ألف تسعمية سبعة وتمانين. وتاني عدد هو حداشر ألف وربعمية.

عايزين نقارن بين العددين. هنبدأ نبص على الخانة الأكبر، يعني الخانة ذات القيمة المكانية الأكبر، وهي خانة عشرات الآلاف. هنلاحظ في العدد الأول خانة عشرات الآلاف فاضية يعني بصفر. وفي العدد التاني خانة عشرات الآلاف فيها واحد.

يعني لو جينا نقارن بين الواحد والصفر هنلاقي إن الواحد أكبر من الصفر. وبالتالي نقدر نقول إن حداشر ألف وربعمية أكبر من ألف تسعمية سبعة وتمانين. وبالتالي نقدر نقول إن حداشر ألف وربعمية جنيه أكبر من ألف تسعمية سبعة وتمانين جنيه.

وبكده عرفنا نقارن بين عددين ضمن عشرات الآلاف، باستخدام علامة أكبر من أو علامة أصغر من أو علامة يساوي. وعرفنا نقارن مرة باستخدام خط الأعداد، ومرة تانية باستخدام جدول القيم المكانية.