فيديو: إيجاد مساحة شكل مركب مرسوم بين متوازي أضلاع ومستطيل بمعلومية أبعادهما

يمثل الشكل التالي مستطيلًا داخل متوازي أضلاع. ما مساحة المنطقة الملونة؟

٠٢:٣٤

‏نسخة الفيديو النصية

يمثل الشكل التالي مستطيلًا داخل متوازي أضلاع. ما مساحة المنطقة الملونة؟

عشان نحسب مساحة المنطقة الملونة، فأول حاجة هنحسب مساحة المستطيل. بعدين نحسب مساحة متوازي الأضلاع. بعدين نطرح مساحة المستطيل من مساحة متوازي الأضلاع.

مساحة المستطيل بتساوي الطول في العرض. وبالنظر للشكل، هنلاقي إن طول المستطيل يساوي تمنية سنتيمتر، وعرضه يساوي خمسة سنتيمتر. وبالتالي تبقى مساحة المستطيل بتساوي الطول اللي هو تمنية، في العرض اللي هو خمسة. وده هيساوي … تمنية في خمسة بتساوي أربعين سنتيمتر مربع.

بعد كده نحسب مساحة متوازي الأضلاع. مساحة متوازي الأضلاع بتساوي طول القاعدة في الارتفاع المناظر لها. فبالنظر للشكل، هنلاقي إن طول القاعدة هو سبعتاشر سنتيمتر. والارتفاع المناظر لها، يعني المسافة بين القاعدتين، هو تمنتاشر سنتيمتر. يبقى مساحة متوازي الأضلاع هتساوي سبعتاشر في تمنتاشر. فهنضرب سبعتاشر في تمنتاشر، فده هيساوي … أول حاجة نضرب تمنية في سبعة، فده هيساوي ستة وخمسين. فهنكتب ستة في الناتج، ونضيف خمسة فوق القيمة المكانية اللي بعد كده. بعدين نضرب تمنية في واحد هيساوي تمنية. ونضيف لها الخمسة، هيساوي تلتاشر. زائد … بعد كده نكرّر نفس العملية، ونضرب الواحد في السبعتاشر. وبما إن الواحد القيمة المكانية ليه هي العشرات، يبقى هنضيف صفر في الناتج، بعدين نكمّل بنفس الطريقة.

فنضرب واحد في سبعة هيساوي سبعة. بعدين نضرب واحد في واحد هيساوي واحد. بعدين نجمع ستة زائد صفر هيساوي ستة. تلاتة زائد سبعة هيساوي عشرة. فهنكتب صفر في الناتج، ونضيف واحد فوق القيمة المكانية اللي بعد كده. بعدين نجمع واحد زائد واحد زائد واحد هيساوي تلاتة. يبقى سبعتاشر في تمنتاشر هيساوي تلتمية وستة سنتيمتر مربع. ودي مساحة متوازي الأضلاع.

بعدين نحسب مساحة المنطقة الملونة. وده هيساوي مساحة متوازي الأضلاع اللي هي تلتمية وستة سنتيمتر مربع، ناقص مساحة المستطيل اللي هي أربعين سنتيمتر مربع. فده هيساوي ميتين وستة وستين سنتيمتر مربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.