فيديو: قراءة البيانات من الجداول التكرارية

الجدول الآتي يبين البرامج التلفزيونية المفضلة التي يشاهدها بعض الطلاب في فصل ما. ما نوع البرنامج الأكثر شعبية بين الطلاب؟

٠١:١٥

‏نسخة الفيديو النصية

الجدول الآتي يُبيّن البرامج التليفزيونية المفضَّلة التي يشاهدها بعض الطلاب في فصل ما. ما نوع البرنامج الأكثر شعبية بين الطلاب؟

الجدول اللي قدامنا بيبيّن نوع البرنامج وعدد الطلاب اللي بيفضّلوا هذا النوع. فهنلاحظ إن البرامج اللي من النوع الهزلي بيفضّلها تلات طلاب. اللي من نوع عرض ألعاب بيفضّلها تلتاشر طالب. والبرامج اللي مِ النوع الحواري بيفضّلها تسع طلاب. واللي من نوع الدراما بيفضّلها خمس طلاب. واللي من النوع الرياضي بيفضّلها أربع طلاب.

لو قارنّا أعداد الطلاب المناظرة لكل نوع من أنواع البرامج المسجَّلة في الجدول عندنا، هنلاحظ إن كل الأعداد اللي عندنا مكوَّنة من رقم واحد، ما عدا العدد ده هو اللي مكوَّن من رقمين، وده معناه إن العدد ده هو أكبر الأعداد المسجَّلة في الجدول. يبقى دلوقتي أكبر عدد عندنا هو تلتاشر، اللي بيناظر البرامج الخاصة بعرض ألعاب.

وده معناه إن البرنامج الأكثر شعبية بين الطلاب، هو اللي سجّل أكتر عدد طلاب بيفضّلوه، اللي هو عرض ألعاب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.