فيديو: إيجاد مساحة مستطيل باستخدام طول ضلع غير معلوم

مستطيل مساحته ٢٠ وحدة مربعة. عرض المستطيل ٤. ما طول المستطيل؟

٠١:١٧

‏نسخة الفيديو النصية

مستطيل مساحته عشرين وحدة مربعة، عرض المستطيل أربعة. ما طول المستطيل؟

العلاقة اللي بنحسب منها مساحة المستطيل هي إن مساحته عبارة عن حاصل ضرب الطول في العرض. فيه طريقة تانية بنقدر نحسب بيها مساحة الشكل اللي قُدّامنا، وهي عدد المربعات الكليّة اللي نقدر نغطّي بيها سطح الشكل، وده بنقدر نوجده عن طريق إننا نضرب عدد الأعمدة اللي متقسّم ليها الشكل ده في عدد الصفوف.

طب إحنا مُعطى عندنا في الشكل هنا عدد الصفوف، اللي هي أربعة، ومطلوب مننا نوجد عدد الأعمدة، معطى كمان عندنا مساحة المستطيل. يبقى دلوقتي هنعوّض في العلاقة اللي بنحسب منها المساحة، فيبقى عندنا: عشرين بيساوي عدد الأعمدة المجهول أو المطلوب إيجاده، في عدد الصفوف اللي هو أربعة.

يبقى دلوقتي عشان نقدر نوجد طول المستطيل، اللي هو بيمثّله عدد الأعمدة، هنقسم الطرفين على أربعة، فيبقى الطول هيساوي عشرين على أربعة، هيبقى بيساوي خمسة؛ يبقى كده قدرنا نوجد طول المستطيل، اللي هو خمسة، وعرفنا إن عدد الأعمدة هيبقى خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.