فيديو: إيجاد العجلة المنتظمة لجسم وسرعته الابتدائية بمعلومية المسافة المقطوعة في ثانيتين مختلفتين

تحرَّك جسم في خط مستقيم بعجلة منتظمة، فقطع ٣٥٫٥ م في الثانية الثانية و٥٣٫٥ م في الثانية الثامنة. أوجد العجلة ﺟ التي تحرَّك بها الجسم وسرعته الابتدائية ﻉ_٠.

٠٤:٣٤

‏نسخة الفيديو النصية

تَحرَّك جسم في خط مستقيم بعجلة منتظمة. فقطع خمسة وتلاتين ونص متر في الثانْية الثانِية. وتلاتة وخمسين ونص متر في الثانْية الثامنة. أوجد العجلة ج، التي تَحرَّك بها الجسم، وسرعته الابتدائية ع صفر.

قطع الجسم خمسة وتلاتين ونص متر في الثانْية الثانِية. معناه إن إحنا من عند الثانية رقم واحد، إلى الثانية رقم اتنين؛ قطع خمسة وتلاتين ونص متر. وفي الثانْية الثامنة، يعني ابتداءً من سبعة إلى تمنية، قطع تلاتة وخمسين ونص متر. عايزين نوجد العجلة ج، والسرعة الابتدائية ع صفر. بمعلومية الثواني، وكمان المسافة.

هنستخدم القانون: ف يساوي ع صفر في ن، زائد نص ج ن تربيع. حيث الـ ف هي المسافة المقطوعة. ع صفر هي السرعة الابتدائية. ن الثانية. الـ ج العجلة. وَ ن تربيع هي الثانية بس تربيع. المسافة ف المقطوعة ما بين الثانية رقم اتنين، والثانية رقم واحد؛ هي خمسة وتلاتين ونص.

يبقى لو كتبنا خمسة وتلاتين ونص هتساوي ع صفر عند الثانية رقم اتنين. زائد نص في الـ ج عند الثانية رقم اتنين. ناقص القيمة عند الثانية رقم واحد؛ يعني ع صفر في واحد، زائد نص الـ ج في واحد تربيع. اللي هي الفرق ما بين المسافتين، عند الثانية رقم اتنين، والثانية رقم واحد.

يبقى خمسة وتلاتين ونص هتساوي اتنين ع صفر، زائد اتنين ج، ناقص ع صفر، ناقص نص ج. بعد التبسيط، هتبقى ع صفر زائد، تلاتة عَ الاتنين ج. هتساوي الخمسة وتلاتين ونص. ودي المعادلة الأولى اللي هنستخدمها لإيجاد قيمة ع صفر، وَ ج. هنوجد المعادلة التانية باستخدام الثانْية الثامنة. واللي هي فيها تلاتة وخمسين ونص الفرق ما بين المسافة عند الثانيتين السابعة والتامنة.

تلاتة وخمسين ونص هتساوي ع صفر في تمنية. زائد نص في الـ ج في التمنية تربيع. ناقص … عند الثانية السابعة؛ يبقى ع صفر في سبعة، زائد نص ج سبعة تربيع. بعد التبسيط، هتساوي ع صفر زائد، خمستاشر عَ الاتنين ج. وهي دي المعادلة التانية اللي هنستخدمها لإيجاد ع صفر، وَ ج.

هنطرح المعادلة رقم واحد، من المعادلة رقم اتنين. يبقى في المعادلة رقم واحد، ع صفر هتبقى إشارتها سالبة. والتلاتة على اتنين هتبقى سالب تلاتة على اتنين ج. وخمسة وتلاتين ونص هتبقى سالب خمسة وتلاتين ونص. يبقى ع صفر ناقص ع صفر، بصفر. خمستاشر على الاتنين، ناقص تلاتة عَ الاتنين؛ مضروبين في الـ ج. هيساوي تلاتة وخمسين ونص، ناقص خمسة وتلاتين ونص.

بعد التبسيط، هتبقى اتناشر عَ الاتنين ج هتساوي تمنتاشر. هنختصر اتناشر مع الاتنين، يبقى ستة. والتمنتاشر مع الستة، يبقى التلاتة. يبقى الـ ج هتساوي تلاتة متر لكل ثانية تربيع. يبقى كده أوجدنا العجلة ج. هنوجد السرعة الابتدائية، بإن إحنا نعوّض بالـ ج، في أيّ معادلة من المعادلتين دول.

لمّا هنعوّض في المعادلة رقم واحد، يبقى ع صفر زائد، تلاتة عَ الاتنين، في تلاتة تساوي خمسة وتلاتين ونص. يبقى ع صفر هتساوي خمسة وتلاتين ونص، ناقص التسعة على الاتنين. يبقى ع صفر هتساوي واحد وتلاتين متر لكل ثانية. ويبقى هي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.