فيديو: تبسيط التعبيرات العددية بحذف الجذر

بسِّط −١١/(١٨ جذر (٢)) بجعل المقام عددًا نسبيًّا.

٠١:٥٣

‏نسخة الفيديو النصية

بسّط سالب حداشر على، تمنتاشر الجذر التربيعي لاتنين؛ بجعل المقام عددًا نسبيًّا.

يعني معطى عندنا المقدار ده. والمطلوب إننا نبسّطه؛ بحيث إن يبقى المقام اللي هو تمنتاشر الجذر التربيعي لاتنين عدد نسبي. والعدد النسبي هو العدد اللي بينتمي لمجموعة الأعداد النسبية. وهنلاحظ إن الجذر التربيعي لاتنين يعتبر عدد غير نسبي. فمعنى كده إننا عشان نخلّي المقام للمقدار اللي عندنا ده عدد نسبي، يبقى لازم نتخلص من الجذر التربيعي لاتنين.

ونقدر نعمل كده عن طريق إننا نضرب البسط والمقام في الجذر تربيعي لاتنين. فهنعمل كده علشان نخلّي المقام عدد نسبي، عن طريق إننا نتخلص من الجذر التربيعي لاتنين. فهنبدأ نضرب البسط في البسط، والمقام في المقام.

وأول حاجة هنعملها إننا هنكتب الإشارة السالبة زي ما هي. بعد كده هنضرب البسط في البسط؛ يعني هنضرب حداشر في الجذر التربيعي لاتنين. واللي هيساوي حداشر الجذر التربيعي لاتنين. وأما في المقام فهنضرب تمنتاشر الجذر التربيعي لاتنين، في الجذر التربيعي لاتنين.

وخلينا نفتكر إننا لمّا بنضرب الجذر التربيعي لعدد ما في الجذر التربيعي لنفس العدد. فبيبقى الناتج هو العدد اللي تحت الجذر. فبالتالي لمّا نضرب تمنتاشر الجذر التربيعي لاتنين في الجذر التربيعي لاتنين. هيبقى الناتج هو تمنتاشر في … وزي ما قلنا الجذر التربيعي لاتنين في الجذر التربيعي لاتنين بيساوي اتنين. بعد كده هنضرب في المقام تمنتاشر في اتنين. فلمّا نحسبها هتبقى بتساوي ستة وتلاتين. وأما البسط فهيفضل زي ما هو حداشر الجذر التربيعي لاتنين. وبالتالي هيبقى المقدار هو سالب حداشر الجذر التربيعي لاتنين على ستة وتلاتين. وكده يبقى إحنا بسّطنا المقدار اللي كان مُعطى عندنا في السؤال؛ بحيث إننا خلينا المقام عدد نسبي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.