فيديو: تفسير ضرب الأعداد الصحيحة

يوجد ٧ × ٥ = _ مربع ملون.

٠١:٣١

‏نسخة الفيديو النصية

يوجد سبعة في خمسة تساوي نقط مربع ملوّن.

عاوزين نكمّل العبارة اللي قدّامنا دي، ونبصّ على الرسمة اللي عندنا ونشوف عندنا كام مربع ملوّن. سبعة في خمسة بتساوي إيه؟ ويعني إيه أصلًا سبعة في خمسة؟

إحنا باين عندنا المربعات الملوّنة قدّامنا، عايزين نعرف عددهم. فبدل ما نعدّ مربع مربع بنستخدم عملية الضرب عشان نعرف عددهم بسهولة. طيّب دلوقتي إحنا عندنا كام صف مربعات؟

ده صف أهو، وده التاني، وده التالت، وده الرابع، وده الخامس. كده إحنا عندنا خمس صفوف. طيّب كل صف فيه كام مربع؟

تعالوا نشوف أول صف فيه كام مربع. واحد، اتنين، تلاتة، أربعة، خمسة، ستة، سبعة. كل صف فيه سبع مربعات. يبقى ده تفسير سبعة في خمسة. السبعة هي عدد المربعات في الصف الواحد، والخمسة هي عدد الصفوف كلها.

فإحنا لو ضربنا سبعة في خمسة، هنعرف عدد كل المربعات الملوّنة اللي عندنا. وطبعًا من جدول الضرب سبعة في خمسة بتساوي خمسة وتلاتين. فده معناه إننا عندنا خمسة وتلاتين مربع ملوّن. وهي دي الإجابة الصح؛ خمسة وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.