تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد الجزء بمعلومية النسبة المئوية والكل‎

أحمد لطفي

أكمل القيمة المجهولة: ٤/٣ ٦٪ من ٤٠٠ كجم يساوي _ كجم.

٠٢:٤٢

‏نسخة الفيديو النصية

اكمل القيمة المجهولة: ستة وتلاتة على أربعة في المية من ربعمية كيلوجرام يساوي نقط كيلوجرام.

في البداية عندنا ستة وتلاتة على أربعة هو عدد كسري، فمحتاجين نكتب العدد الكسري على صورة عدد عشري، فهيكون عندنا ستة وتلاتة على أربعة، عشان نكتب العدد الكسري في صورة عدد عشري، هنحول الكسر اللي بداخل العدد الكسري إلى كسر آخر مقامه مية؛ يعني هيكون عندنا ستة وتلاتة على أربعة، هنضرب بسط ومقام الكسر في خمسة وعشرين، عشان يكون عندنا في المقام خمسة وعشرين في أربعة بتساوي مية، وبالتالي هيساوي ستة وخمسة وسبعين على مية؛ وبالتالي نقدر نكتب العدد الكسري في صورة الكسر خمسة وسبعين على مية زائد ستة. وخمسة وسبعين على مية لو عايزين نكتبها في صورة عدد عشري، يعني هتساوي خمسة وسبعين من مية، زائد ستة، يعني هتساوي ستة وخمسة وسبعين من مية. يبقى كده قدرنا نكتب العدد الكسري ستة وتلاتة على أربعة في صورة عدد عشري، وكان بيساوي ستة وخمسة وسبعين من مية.

عندنا ستة وتلاتة على أربعة في المية، يعني هيكون عندنا ستة وخمسة وسبعين من مية في المية. عشان نحول من نسبة مئوية إلى عدد عشري، أول حاجة هنحذف علامة النسبة المئوية، وهنحرك العلامة العشرية خطوتين إلى اليسار، وبالتالي ستة وتلاتة على أربعة في المية هتساوي ستمية خمسة وسبعين من عشرة آلاف. عندنا معطى ستة وتلاتة على أربعة في المية من ربعمية كيلوجرام، يعني هتساوي ستمية خمسة وسبعين من عشرة آلاف من ربعمية. بنعبر عن «من» بعلامة ضرب؛ فبالتالي هيكون عندنا ستمية خمسة وسبعين من عشرة آلاف في ربعمية، يعني هيساوي سبعة وعشرين؛ وبالتالي القيمة المجهولة هتكون سبعة وعشرين.

يبقى عندنا ستة وتلاتة على أربعة في المية من ربعمية كيلوجرام هيساوي سبعة وعشرين كيلوجرام.