تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حساب مقدار الشغل المبذول بواسطة قوة بمعلومية مقدار القوة

أحمد لطفي

جسم يتحرَّك على محور السينات تحت تأثير قوة ﻕ. إذا كانت ﻕ = (٨ ﻑ + ١٢) نيوتن؛ حيث ﻑ م هي مقدار الإزاحة من نقطة الأصل، فأوجد الشغل المبذول بواسطة القوة ﻕ على الجسم عندما يتحرَّك الجسم من ﻑ = ٧ م إلى ﻑ = ٨ م.

٠٢:٢٢

‏نسخة الفيديو النصية

جسم يتحرك على محور السينات تحت تأثير قوة ق، إذا كانت ق بتساوي تمنية ف زائد اتناشر نيوتن، حيث ف متر هي مقدار الإزاحة من نقطة الأصل، فاوجد الشغل المبذول بواسطة القوة ق على الجسم عندما يتحرك الجسم من ف بتساوي سبعة متر إلى ف بتساوي تمنية متر.

في البداية عشان نقدر نوجد الشغل؛ فالعلاقة بين الشغل والقوة ومقدار الإزاحة هتكون … فالشغل بيساوي تكامل ق د ف من ف واحد إلى ف اتنين؛ وبالتالي لو عايزين نوجد الشغل فالشغل هيساوي تكامل … هنعوّض عن القوة ق بتمنية ف زائد اتناشر، د ف. ومحتاجين نوجد الشغل المبذول بواسطة القوة ق على الجسم عندما يتحرك الجسم من ف بتساوي سبعة متر إلى ف بتساوي تمنية متر، فهنعوّض عن ف واحد بسبعة، وهنعوّض عن ف اتنين بتمنية؛ وبالتالي محتاجين نوجد تكامل تمنية ف زائد اتناشر، د ف، من سبعة إلى تمنية.

وعشان نقدر نوجد ناتج التكامل، فهيكون عندنا الشغل بيساوي تكامل تمنية ف بالنسبة لـ ف، فهيكون عندنا هنكتب تمنية زي ما هي و الـ ف هتكون أُس اتنين، وهنقسم على الأُس الجديد اللي هو اتنين، زائد … تكامل اتناشر بالنسبة لـ ف، هتكون عندنا اتناشر ف، وهنعوّض عن ف من سبعة إلى تمنية؛ وبالتالي الشغل هيساوي … أول حاجة هنعوّض عن ف بتمنية، ناقص التعويض عن ف بسبعة، فهيكون عندنا تمنية في تمنية تربيع، على اتنين، زائد، اتناشر في تمنية، ناقص، تمنية في سبعة تربيع، على اتنين، زائد، اتناشر في سبعة؛ يعني الشغل هيساوي اتنين وسبعين جول.

يبقى كده قدرنا نوجد الشغل المبذول بواسطة القوة ق على الجسم، عندما يتحرك الجسم من ف بتساوي سبعة متر إلى ف بتساوي تمنية متر، وكان بيساوي اتنين وسبعين جول.