فيديو: إكمال المعادلات التي تفكك الأعداد حتى ١٠ بأكثر من طريقة

أوجد الأعداد المجهولة.

٠١:٤٧

‏نسخة الفيديو النصية

أوجد الأعداد المجهولة.

عندنا الشكل ده، وعاوزين نعرف العدد المجهول اللي بيتحط في المربع الأحمر ده، والعدد المجهول اللي بيتحط في المربع الأزرق ده، فلو بصينا عَ المربع الأحمر هنلاقيه مربع أحمر زائد واحد يساوي تمنية، يبقى إيه العدد اللي لمّا نزود عليه واحد يبقى الناتج تمنية؟ أو إيه العدد اللي لو عدّينا بعده واحد يبقى تمنية؟ هنلاقي إن السبعة بعدها تمنية، يبقى هنا نكتب سبعة؛ إن سبعة زائد واحد تمنية، والتمنية بتيجي بعد السبعة على طول، ده بالنسبة لأول جزء من السؤال المربع الأحمر حطينا فيه سبعة.

نيجي للمربع الأزرق، تلاتة نزود عليها كام علشان الناتج يبقى تمنية؟ هنحط التلاتة في مُخّنا، ونقعد نزود عليها لحد ما نوصل للتمنية ونشوف زودنا كام، فنيجي نعدّ بعد التلاتة: أربعة، خمسة، ستة، سبعة، تمنية، وصلنا للتمنية، طلعنا كام صابع على إيدينا؟ واحد، اتنين، تلاتة، أربعة، خمسة؛ يبقى إحنا طلعنا خمس صوابع على إيدينا علشان نوصل للتمنية، وده معناه إن تلاتة زائد خمسة يساوي تمنية، يبقى هنحط في المربع الأزرق خمسة، ويبقى هو ده الناتج بتاعنا، سبعة في المربع الأحمر، وخمسة في المربع الأزرق.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.