فيديو: حل المسائل الكلامية عن طريق ضرب الكسور في أعداد صحيحة

دعا رامي ٧ من أصدقائه إلى حفلة عيد ميلاد زوجته. أراد رامي أن يتأكَّد أن لديه ما يكفي من البيتزا ليتناول كلُّ واحد من أصدقائه ٨/٣ من البيتزا. ما عدد فطائر البيتزا اللازم شراؤها تقريبًا؟ [أ] ٣ [ب] ٢ [ج] ١ [د] ٦

٠١:٥٢

‏نسخة الفيديو النصية

دعا رامي سبعة من أصدقاؤه إلى حفلة عيد ميلاد زوجته. أراد رامي أن يتأكّد أن لديه ما يكفي من البيتزا؛ ليتناول كل واحد من أصدقاؤه تلاتة على تمنية من البيتزا. ما عدد فطائر البيتزا اللازم شراؤها تقريبًا؟ ومعطى عندنا أربع اختيارات لاختيار الإجابة الصحيحة منهم. الاختيار أ: تلاتة. الاختيار ب: اتنين. الاختيار ج: واحد. والاختيار د: ستة.

هنفترض إن ده شكل البيتزا وهي متقسّمة لتمن أجزاء. وكل واحد من أصدقاء رامي هيتناول تلات أجزاء من التمنية دول. يعني كل واحد من أصدقاء رامي هياكل تلاتة على تمنية من فطيرة البيتزا الواحدة. والسؤال هنا بيسألنا: المفروض رامي يشتري كام فطيرة من البيتزا علشان تكفّي سبعة من أصدقاؤه؟

يبقى عدد فطائر البيتزا هيساوي عدد أصدقاء رامي، اللي هم سبع أصدقاء. في الجزء اللي هيتناوله كل واحد من أصدقاؤه من البيتزا، تلاتة على تمنية.

باعتبار إن مقام السبعة هنا بواحد، وهنضرب البسط في البسط والمقام في المقام. السبعة في تلاتة بواحد وعشرين، والواحد في تمنية بتمنية.

دلوقتي عاوزين نبسّط الواحد وعشرين على تمنية، فهنقسّمها لكسرين مجموعين. يعني هتساوي ستاشر على تمنية، زائد خمسة على تمنية.

ستاشر على تمنية فيها الاتنين، زائد خمسة على تمنية. اتنين زائد خمسة على تمنية هي هي لو كتبناها اتنين وخمسة على تمنية. ده معناه إن رامي هيحتاج لفطيرتين من البيتزا، وخمسة على تمنية من فطيرة البيتزا التالتة.

وبكده يبقى عدد فطائر البيتزا اللازم شراؤها هيكون تلات فطائر من البيتزا. يعني الاختيار الصحيح هيكون هو: الاختيار أ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.