فيديو: فهم القيمة المكانية عند مقارنة الأعداد

هل قيمة الرقم ٦ في العدد ٨٧٠ ٣٦٩< أم = أم >قيمة الرقم ٣ في العدد ٨٧٠ ٣٦٩؟

٠١:٣٥

‏نسخة الفيديو النصية

هل قيمة الرقم ستة في العدد: تلتمية تسعة وستين ألف تمنمية وسبعين، أصغر من، أم يساوي، أم أكبر من قيمة الرقم تلاتة في العدد: تلتمية تسعة وستين ألف تمنمية وسبعين؟

قيمة أي رقم بداخل عدد ما بتتحدّد عن طريق قيمته المكانية، فقيمة الرقم بتبقى حاصل ضرب الرقم بنفسه في قيمته المكانية. يعني في السؤال ده مطلوب مننا نحدّد قيمة الرقم ستة في العدد اللي عندنا. ستة ده موجود في خانة عشرات الألوف، فقيمته هتتحدّد عن طريق حاصل ضرب الرقم، اللي هو ستة، في القيمة المكانية للخانة اللي هو فيها. خانة عشرات الألوف القيمة المكانية بتاعتها عشرة آلاف؛ فبالتالي هتبقى قيمة الرقم ستة في العدد المذكور ده هي ستين ألف، مطلوب مننا نقارنها بقيمة الرقم تلاتة في العدد نفسه.

خلينا نشوف الرقم تلاتة ده موجود فين، الرقم تلاتة موجود في خانة مئات الألوف، يبقى قيمته هتبقى عبارة عن حاصل ضرب الرقم نفسه في القيمة المكانية للخانة اللي هو فيها. الخانة بتاعة مئات الألوف قيمتها المكانية مية ألف، يبقى كده حاصل الضرب هيبقى تلتمية ألف.

يبقى لو جينا نقارن القيمتين ببعض، هنلاحظ إن ستين ألف أقل من تلتمية ألف؛ يبقى العلامة المناسب استخدامها هي علامة أصغر من.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.