تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: جمع عددين عشريين

غادة عليوة

احسب ٧٠٫٧٥ + ٧٨٫٩.

٠١:١١

‏نسخة الفيديو النصية

احسب سبعين وخمسة وسبعين من مية، زائد سبعة وتمانين وتسعة من عشرة.

دلوقتي عايزين نجمع العددين اللي قدامنا دول. خلينا نجمعهم بطريقة رأسية. أهم حاجة لمّا بنيجي نجمع أعداد فيها علامة عشرية، نتأكد إننا حاطّين العلامة العشرية تحت بعض بالظبط.

دلوقتي هنبدأ نجمع من أقل خانة مكانية اللي هي خانة الأجزاء من مائة. خمسة … هنا هنعتبر إن فيه صفر، يبقى خمسة زائد صفر هيساوي خمسة. وبعدين نجمع خانة الأجزاء من عشرة. سبعة زائد تسعة هتساوي ستاشر. يبقى هنكتب الستة، والواحد هنحتفظ بيه فوق خانة الآحاد. وما ننساش نحط العلامة العشرية في نفس المكان.

دلوقتي هنجمع واحد زائد تمنية، يبقى عندنا فيه تسعة في الآحاد. وبعدين نجمع سبعة زائد سبعة هيساوي أربعتاشر. يبقى المجموع هيبقى بيساوي مية وتسعة وأربعين وخمسة وستين من مية.