فيديو: حل المسائل الكلامية التي تتضمَّن النسب المئوية

ما النسبة المئوية للتغيُّر من ٣٤٫٤ جرامًا إلى ٢٦٫٦ جرامًا؟ قرِّب الإجابة إلى أقرب نسبة مئوية صحيحة، ثم حدِّد إذا ما كان هذا التغيُّر تزايدًا أو تناقصًا.

٠٢:١٧

‏نسخة الفيديو النصية

ما النسبة المئوية للتغير من أربعة وثلاثون وأربعة من عشرة جرامًا، إلى ستة وعشرون وستة من عشرة جرامًا؟ قرّب الإجابة إلى أقرب نسبة مئوية صحيحة، ثم حدّد إذا ما كان هذا التغير تزايدًا أم تناقصًا.

عشان نوجد النسبة المئوية للتغير، لازم أول حاجة نوجد مقدار التغير. فهنحسب الفرق بين أربعة وتلاتين وأربعة من عشرة، وستة وعشرين وستة من عشرة. يبقى مقدار التغير هيساوي أربعة وتلاتين وأربعة من عشرة ناقص ستة وعشرين وستة من عشرة. وده هيساوي سبعة وتمنية من عشرة. وبما إن العدد اتغيّر من أربعة وتلاتين وأربعة من عشرة، إلى ستة وعشرين وستة من عشرة، يبقى التغير هو تناقُص.

فنحسب النسبة المئوية للتغير، هتساوي مقدار التغير مقسوم على القيمة الأولى، اللي هي في حالتنا دي أربعة وتلاتين وأربعة من عشرة، مضروب في مية في المية. فده هيساوي سبعة وتمنية من عشرة على أربعة وتلاتين وأربعة من عشرة، في مية في المية. وباستخدام الآلة الحاسبة، ده هيساوي تقريبًا اتنين وعشرين وست آلاف وسبعمية وأربعة وأربعين من عشرة آلاف في المية.

وعلشان نقدر نقرّب العدد ده لأقرب نسبة مئوية صحيحة، يبقى هنشوف إيه القيمة المكانية السابقة ليه، اللي هي الأجزاء من عشرة. فإذا كانت الأجزاء من عشرة أربعة أو أقل، فما فيش أيّ تغيُّر هيحصل على الآحاد؛ وبالتالي على النسبة المئوية الصحيحة. أمّا إذا كان الرقم المكتوب في الأجزاء من عشرة هو خمسة أو أكتر، فده معناه إننا هنضيف واحد للآحاد. فبالنظر للرقم هنلاقيه ستة. وده معناه إننا هنضيف واحد للآحاد.

فهتبقى النسبة المئوية للتغير، بالتقريب لأقرب نسبة مئوية صحيحة، بتساوي تقريبًا تلاتة وعشرين في المية. وبتعبّر عن تناقُص. يعني حصل نقصان بمقدار تلاتة وعشرين في المية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.