فيديو: خواص المعين

هل الشكل الرباعي الآتي معيَّن؟

٠٢:٠٦

‏نسخة الفيديو النصية

هل الشكل الرباعي الآتي معيّن؟

خلينا نشوف إيه خصائص المعيّن؛ المعيّن خصائصه إن جميع أضلاعه بتبقى متطابقة، وأضلاعه المتقابلة متوازية، وزواياه المتقابلة متطابقة.

جميع أضلاعه متطابقة، واضح من الشكل اللي عندنا ده، من علامة التساوي المحطوطة على الأضلاع كلها، إن فعلًا جميع أضلاعه متطابقة؛ يبقى كده حققنا أول شرط. الشرط التاني أضلاعه المتقابلة متوازية، دلوقتي هنشوف الأضلاع بتاعة الشكل اللي عندنا، عايزين نشوف بتحقق شرط إن كل ضلعين متقابلين متوازيين ولا لأ، هنلاحظ إننا لو مَدّينا كل ضلعين متقابلين عمرهم ما هيلتقوا أبدًا مهما طوّلناهم، مهما مَدّيناهم، عمرهم ما هيتلاقوا في نقطة؛ يبقى معناه إن الخطين دول متوازيين. هنشوف دلوقتي الضلعين المتقابلين الآخرين، هنلاقي بنفس الطريقة إن إحنا لو مَدّيناهم، مهما مديناهم، عمرهم ما هيتقاطعوا في نقطة، فيبقى هم كمان متوازيين؛ يبقى كده إحنا اتحققنا من إن الشرط التاني بينطبق على الشكل اللي قدامنا ده، إن أضلاعه المتقابلة متوازية. ننتقل دلوقتي ونشوف الشرط التالت، المفروض زواياه المتقابلة تبقى متطابقة، هنلاحظ إن زوايا الشكل اللي عندنا كلها متطابقة، كلها زوايا قائمة، ومتطابقة يعني متساوية في القيمة، بالفعل الأربع زوايا متطابقين، وده معناه إننا نقدر نقول عَ الشكل اللي قدامنا إنه معيّن. يبقى لما يبقى السؤال هل الشكل الرباعي الآتى معيّن، هتبقى الإجابة نعم.

فيه حاجة مهمة عايزة ألفت نظركم ليها، هي إن الشكل اللي قدامنا ده بيزيد فيه حاجة على كونه معيّن؛ زواياه الداخلية كلها قوائم، يعني قياس كل زاوية من الزوايا بتاعته تسعين درجة؛ يبقى ده نقدر نسميه مربع، ويبقى حالة خاصة من المعيّن، يبقى هو مربع وبالتالي برضو بتنطبق عليه جميع شروط المعيّن؛ فلما أقول عليه إنه معيّن، ده مش غلط ده صح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.