فيديو: تحويل الكسور إلى أعداد عشرية

حوّل ٣/١ إلى عدد عشري.

٠٢:٤٣

‏نسخة الفيديو النصية

حوّل واحد على تلاتة إلى عدد عشري.

يعني معطى عندنا الكسر واحد على تلاتة، وعايزين نكتبه في صورة عدد عشري. وفي الأول خلّينا نفتكر إننا عشان نحوّل الكسور إلى أعداد عشرية بنستخدم القسمة المطوّلة.

فبالتالي هنكتب واحد على تلاتة بالشكل ده. وهنبدأ نقسم باستخدام القسمة المطوّلة. ففي الأول لمّا نيجي نقسم واحد على تلاتة، هنلاحظ إن واحد أقل من تلاتة. فبالتالي ما ينفعش نقسمه. فبالتالي هنكتب جنب الواحد هنا علامة عشرية وصفر. وبعد كده بنعتبر إن الواحد هنا بقى عشرة. فنقدر نقسم عشرة على تلاتة.

فلمّا نقسم عشرة على تلاتة، هتبقى بتساوي تلاتة؛ لأن العدد عشرة بيتكرّر فيه العدد تلاتة تلات مرات. فهنكتب تلاتة هنا فوق الصفر. وبعد كده العلامة العشرية اللي هنا هنكتبها في نفس مكانها. يعني هنكتبها على يسار التلاتة. فهيبقى عندنا صفر، علامة عشرية، تلاتة.

بعد كده هنضرب تلاتة في تلاتة، واللي هتساوي تسعة. فهنكتب تسعة هنا تحت الصفر. وبعد كده هنبدأ نطرح. فزيّ ما قلنا، هنعتبر إن العلامة العشرية مش موجودة، وهنطرح عشرة ناقص تسعة، واللي هتساوي واحد.

بعد كده هنيجي تاني نقسم واحد على تلاتة. فبنفس الطريقة، هنلاحظ إن واحد أقل من تلاتة، فمش هينفع نقسمها. فساعتها هنعمل إيه؟ هنزوّد صفر هنا على يمين الصفر الأولاني اللي كتبناه. فيبقى عندنا صفر هينزل تحت، فهنكتبه هنا جنب الواحد؛ علشان يبقى عشرة. وبنفس الطريقة، هنقسم عشرة على تلاتة، واللي بتساوي تلاتة. فهنكتبها هنا فوق الصفر اللي زوّدناه.

وبعد كده، هنعيد العملية دي تاني. هنضرب تلاتة في تلاتة، واللي هتساوي تسعة. وهنبدأ نطرح. فهنطرح عشرة ناقص تسعة، واللي هتساوي واحد. فبرضو مش هينفع نقسمها على تلاتة. فهنكتب صفر هنا تاني، وننزّله، وهكذا. فمعنى كده إننا هنفضل نزوّد هنا أصفار، وقصادها هنفضل نزوّد هنا تلاتات.

فمعنى كده إن واحد على تلاتة، لمّا نيجي نكتبها في صورة عدد عشري. هتبقى بتساوي صفر، علامة عشرية، تلاتة تلاتة تلاتة … إلى ما لا نهاية. فلمّا يكون عندنا عدد عشري بالشكل ده فبنسمّيه عدد دائري. وبنكتبه في صورة تلاتة من عشرة. وبنيجي عند العدد اللي بيتكرّر، اللي هو تلاتة، وبنعمل هنا نقطة.

فبالتالي لمّا نكتب واحد على تلاتة في صورة عدد عشري هتبقى بتساوي العدد الدائري تلاتة من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.