فيديو: كتابة المقادير الجبرية

أيُّ التعبيرات التالية يمكن كتابته في الصورة ٤ − ٣ﺱ؟ [أ] ٤ طرح خارج قسمة ٣، س. [ب] ٤ أقل من حاصل ضرب ٣، س. [ج] ٤ منقوصًا منه الفرق بين ٣، س. [د] ٤ منقوصًا منه حاصل ضرب ٣، س.

٠١:٣٧

‏نسخة الفيديو النصية

أيّ التعبيرات التالية يمكن كتابته في الصورة: أربعة ناقص تلاتة س. وفيه عندنا اختيارات. الاختيار أ هو: أربعة طرح خارج قسمة تلاتة، وَ س. الاختيار ب هو: أربعة أقل من حاصل ضرب تلاتة، وَ س. الاختيار ج هو: أربعة منقوصًا منه الفرق بين تلاتة، وَ س. والاختيار د هو: أربعة منقوصًا منه حاصل ضرب تلاتة، وَ س.

علشان نحدّد الإجابة الصحيحة، هنكتب التعبيرات اللي عندنا في صورة مقادير جبرية، أو تعبيرات جبرية. فبالنسبة للاختيار أ، عندنا التعبير هو: أربعة طرح خارج قسمة تلاتة، وَ س. ولمَّا هنكتبه، هيكون في صورة: أربعة ناقص، تلاتة على س. أمّا بالنسبة للاختيار ب، فالتعبير هو: أربعة أقل من حاصل ضرب تلاتة، وَ س. فلمَّا هنكتبه في صورة تعبير جبري، هيبقى عبارة عن أربعة أقل من تلاتة س.

أمّا الاختيار ج، فهو عبارة عن: أربعة منقوصًا منه الفرق بين تلاتة، وَ س. فلمَّا هنكتبه في صورة مقدار جبري، هيبقى عبارة عن أربعة ناقص، تلاتة ناقص س. أمّا بالنسبة للاختيار د، فالتعبير هو: أربعة منقوصًا منه حاصل ضرب تلاتة، وَ س. والتعبير ده نقدر نكتبه في الصورة: أربعة ناقص تلاتة س.

وهنلاحظ إن المقدار: أربعة ناقص تلاتة س، هو نفسه المقدار اللي عندنا. فمعنى كده إن التعبير اللي نقدر نكتبه في الصورة: أربعة ناقص تلاتة س، هو أربعة منقوصًا منه حاصل ضرب تلاتة، وَ س. يعني الإجابة هتبقى هي الاختيار د. وبكده يبقى إحنا أوجدنا المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.