فيديو: حل المعادلات الخطية التي تتضمَّن الهندسة

ﺃ نقطة منتصف القطعة المستقيمة ﺏﺟ؛ حيث ﺏأ = ١٠س − ١٧، ﺃﺟ = ٦س + ٧. أوجد س، ﺏﺟ.

٠٢:٤٧

‏نسخة الفيديو النصية

أ نقطة منتصف القطعة المستقيمة ب ج. حيث ب أ تساوي عشرة س ناقص سبعتاشر، وَ أ ج تساوي ستة س زائد سبعة. أوجد س، وَ ب ج.

أول حاجة هنرسمها القطعة المستقيمة ب ج. ومعطى عندنا في السؤال إن أ نقطة منتصف القطعة المستقيمة ب ج. يبقى أول حاجة هنقدر نستنتجها إن ب أ هتساوي أ ج. هنعوّض في ب أ، وَ أ ج. ب أ معطى عندنا بعشرة س ناقص سبعتاشر. وَ أ ج بستة س زائد سبعة. ومطلوب منّنا في السؤال إيجاد س، وَ ب ج. علشان نعرف نوجد قيمة س؛ فمحتاجين نخلّي السينات في طرف، والأعداد في طرف.

وعلشان نعرف نعمل كده؛ فهنطرح ستة س من الطرفين، وبعدين هنجمع سبعتاشر على الطرفين. وبكده يبقى الطرف اليمين هيساوي عشرة س ناقص سبعتاشر ناقص ستة س زائد سبعتاشر. وهيصبح الطرف الشِّمال بيساوي ستة س زائد سبعة ناقص ستة س زائد سبعتاشر.

في الطرف اليمين هنلاقي إن عشرة س ناقص ستة س بيساوي أربعة س، وسالب سبعتاشر زائد سبعتاشر بيساوي صفر. في الطرف الشِّمال ستة س ناقص ستة س بيساوي صفر، وسبعة زائد سبعتاشر بيساوي أربعة وعشرين.

لإيجاد قيمة س هنقسم الطرفين على أربعة. أربعة س على أربعة فيها الـ س، وأربعة وعشرين على أربعة فيها الستة. وبكده هتكون إجابة المطلوب الأول منّنا في السؤال: س بتساوي ستة.

المطلوب التاني في السؤال: أوجد ب ج.

هنلاحظ إن ب ج بتساوي ب أ زائد أ ج. هنعوّض عادي، يبقى ب ج هتساوي … ب أ معطى عندنا بعشرة س ناقص سبعتاشر، زائد … أ ج بستة س زائد سبعة.

هنجمع السينات مع بعض؛ عشرة س زائد ستة س بستاشر س. وبعدين هنجمع الأعداد مع بعض؛ سالب سبعتاشر زائد سبعة بسالب عشرة. هنعوّض في س بستة، القيمة اللي إحنا جِبناها. كده يبقى ب ج هتساوي ستاشر في ستة، ناقص عشرة. ستاشر في ستة بستة وتسعين، ناقص عشرة؛ بستة وتمانين.

وبكده قيمة ب ج هتساوي ستة وتمانين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.