فيديو: جمع الأعداد المكونة من ٣ أرقام

يوضح الفيديو كيفية جمع الأعداد المكوَّنة من ثلاثة أرقام، والتحقق من صحة الناتج بالاستعانة بالتقدير، وأمثلةً عليها.

٠٥:٢٢

‏نسخة الفيديو النصية

هنتكلم عن جمع الأعداد المكوّنة من تلات أرقام. هنستعمل التقدير عشان نتأكد من الجواب.

هبتدي الشرح بالمثال التالي: تشتهر منطقة بزراعة الزيتون. إذا كان في مزرعتنا مية سبعة وعشرين شجرة، وفي مزرعة الجيران تمنية وستين شجرة. فكم عدد أشجار الزيتون في المزرعتين؟

عشان نجيب عدد أشجار الزيتون في المزرعتين، هجمع مية سبعة وعشرين زائد تمنية وستين. في البداية هستعمل التقدير. هقرب كل من العددين إلى أقرب عشرة.

مية سبعة وعشرين هتبقى مية وتلاتين، زائد … تمنية وستين هتبقى سبعين. هجمع العددين هيكون الناتج ميتين. وده ناتج التقدير.

دلوقتي هجمع العددين مية سبعة وعشرين زائد تمنية وستين. هبتدي بجمع الآحاد؛ سبع آحاد زائد تمن آحاد هيساوي خمستاشر آحاد. هعيد تجميع خمستاشر آحاد إلى خمس آحاد، وواحد عشرة. هكتب خمس آحاد في خانة الآحاد، وواحد عشرة في خانة العشرات.

الخطوة رقم اتنين هبتدي بجمع العشرات؛ واحد عشرة زائد اتنين عشرات زائد ست عشرات، هيساوي تسع عشرات. هكتب تسعة في خانة العشرات.

وبعد كده هجمع المئات؛ واحد مائة زائد صفر مائة، هيساوي واحد مائة. يعني هيكون الناتج مية خمسة وتسعين.

هنلاحظ إنه الناتج قريب جدًّا من ناتج التقدير. مية خمسة وتسعين قريبة جدًّا من ميتين اللي حصلنا عليها في التقدير. وبالتالي أقدر أقول إن في المزرعتين مية خمسة وتسعين شجرة زيتون.

هنكمل في الصفحة اللي جاية.

مثال: في محفظة سلمى مية تمنية وسبعين جنيه، وفي محفظة سمر ميتين تلاتة وعشرين جنيه. فكم جنيه في المحفظتين؟

عشان أجيب كام جنيه في المحفظتين، هجمع مية تمنية وسبعين زائد ميتين تلاتة وعشرين.

في البداية هستعمل التقدير. هنقرّب كل من العددين إلى أقرب عشرة. مية تمنية وسبعين هتبقى مية وتمانين، زائد … ميتين تلاتة وعشرين هتبقى ميتين وعشرين. هجمع العددين، هيكون الناتج ربعمية. إذن ناتج التقدير هو ربعمية.

دلوقتي هنجمع العددين بدون تقريب. أول خطوة هجمع الآحاد؛ مية تمنية وسبعين زائد ميتين تلاتة وعشرين. تمن آحاد زائد تلات آحاد هيساوي حداشر آحاد. هعيد تجميع حداشر آحاد إلى واحد عشرات وواحد آحاد. إذن هكتب واحد في خانة الآحاد، وواحد في خانة العشرات.

الخطوة رقم اتنين هجمع العشرات؛ هكتب واحد في خانة الآحاد، وواحد في خانة العشرات. دلوقتي عندي واحد عشرة وسبعة عشرات واتنين عشرات، هيساوي عشرة عشرات. هعيد تجميع عشر عشرات إلى مائة واحدة وصفر عشرات. فهكتب صفر في خانة العشرات وواحد في خانة المئات.

دلوقتي تالت خطوة هجمع المئات؛ واحد مئات زائد واحد مئات زائد اتنين مئات، هيساوي أربع مئات. إذن هكتب في خانة المئات أربعة.

إذن في المحفظتين ربعمية وواحد جنيه. هنلاحظ إن الربعمية وواحد جنيه قريبة جدًّا من ناتج التقدير. وبالتالي فالإجابة منطقية.

هنكمل في الصفحة اللي جاية. تدريبات: أوجد ناتج الجمع وتأكد من الجواب.

رقم واحد: مية أربعة وستين زائد سبعتاشر.

في البداية هستعمل التقدير. مية أربعة وستين زائد سبعتاشر. هقرب كل من العددين إلى أقرب عشرة. مية أربعة وستين إلى أقرب عشرة هتساوي مية وستين، زائد … سبعتاشر إلى أقرب عشرة هتساوي عشرين. هجمع مية وستين زائد عشرين هيساوي مية وتمانين.

دلوقتي هنجمع بدون تقريب. أول خطوة هجمع الآحاد. هكتب العددين مية أربعة وستين زائد سبعتاشر. أربع آحاد وسبع آحاد هيساوي حداشر آحاد. هعيد تجميع حداشر آحاد إلى واحد آحاد هكتبه في خانة الآحاد، وواحد عشرات هكتبها في خانة العشرات.

خطوة رقم اتنين هجمع العشرات. عندي واحد عشرة وست عشرات وواحد عشرة. يعني هيساوي تمن عشرات. هكتب تمنية.

وأخيرًا هجمع المئات. واحد مائة زائد صفر هيساوي واحد. إذن الناتج هو مية واحد وتمانين.

هنلاحظ إنه الناتج قريب جدًّا من ناتج التقدير. إذن الإجابة منطقية.

وبكده هنكون اتعلمنا إزاي نجمع الأعداد المكوّنة من تلات أرقام، ونستعمل التقدير عشان نتأكد من الجواب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.