فيديو: تحديد إذا ما كان الشكل ثنائي الأبعاد أو ثلاثي الأبعاد

أيٌّ من الشكلين ثلاثي الأبعاد؟ [أ] شكل أ [ب] شكل ب

٠١:٠٨

‏نسخة الفيديو النصية

أيٌّ من الشكلين ثلاثي الأبعاد؛ الشكل ده، ولّا الشكل ده؟

عاوزين نعرف أيّ شكل فيهم ثلاثي الأبعاد. يعني إيه شكل ثلاثي الأبعاد؟ الشكل الثلاثي الأبعاد هو الشكل اللي ممكن نمسكه بإيدينا. بيبقى شبه الأجسام اللي حوالينا؛ زي الكورة، أو الإزازة، أو أيّ حاجة ممكن نتعامل بيها، ونمسكها بإيدينا.

طيب في الشكلين اللي قدامنا دول، أيّ شكل ممكن نمسكه بإيدينا، أو نتعامل معاه؟ دلوقتي لو جينا نبصّ على الشكل الأول، هنلاقي إنه مثلث. المثلث ده مرسوم على ورقة. لكن الشكل التاني عبارة عن هرم. الهرم ده لو جرّبنا نحطّه على الترابيزة اللي قدامنا، هنقدر نمسكه بإيدينا ونتعامل معاه. فمعنى كده إن الهرم شكل ثلاثي الأبعاد. لكن المثلث مش شكل ثلاثي الأبعاد. فتبقى الإجابة الصح هي الهرم، أو الشكل ده.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.