تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: اتزان ازدواجين

أحمد لطفي

إذا كان الازدواجان المتجه ج_١، المتجه ج_٢ في حالة اتزان؛ حيث المتجه ج_١ = ٥٠ المتجه ﻉ، فأوجد قيمة المتجه ج_١ − المتجه ج_٢ = _.

٠٢:١٤

‏نسخة الفيديو النصية

إذا كان الازدواجان: المتجه ج واحد والمتجه ج اتنين، في حالة اتزان. حيث المتجه ج واحد بيساوي خمسين في اتجاه متجه الوحدة أ [ع]. فاوجد قيمة المتجه ج واحد، ناقص المتجه ج اتنين، بتساوي نقط.

في البداية، لو عايزين نفتكر اتزان جسم تحت تأثير ازدواجين مستويين. يقال لجسم متماسك أنه متّزن، تحت تأثير ازدواجين مستويين، إذا كان مجموع عزمَيْهما هو المتجه الصفري. يعني لو افترضنا عندنا المتجه ج أ والمتجه ج ب، عزمَي ازدواجين. فإن شرط اتّزان الجسم تحت تأثير الازدواجين، هو إن المتجه ج أ زائد المتجه ج ب يساوي المتجه الصفري.

وبالتالي بالنسبة للمتجه ج واحد والمتجه ج اتنين. بما إنهم ازدواجان في حالة اتّزان، فهيكون عندنا إن المتجه ج واحد زائد المتجه ج اتنين بيساوي المتجه الصفري. هنعّوض عن المتجه ج واحد. قيمته خمسين في اتجاه متجه الوحدة ع. زائد المتجه ج اتنين هيساوي المتجه الصفري، اللي هو بيكون عبارة عن المتجه صفر.

وبالتالي قيمة المتجه ج اتنين هيساوي … هنطرح من الطرفين خمسين في اتجاه متجه الوحدة ع. فهيكون عندنا إن المتجه ج اتنين بيساوي سالب خمسين في اتجاه متجه الوحدة ع. وبالتالي لو عايزين نوجد قيمة المتجه ج واحد ناقص المتجه ج اتنين. هنعّوض عن المتجه ج واحد بقيمته، إن هو بيساوي خمسين في اتجاه متجه الوحدة ع. ناقص … هنعوّض عن المتجه ج اتنين بقيمته، اللي هو بيساوي سالب خمسين في اتجاه متجه الوحدة ع.

يعني المتجه ج واحد ناقص المتجه ج اتنين. هيساوي خمسين في اتجاه متجه الوحدة ع، زائد خمسين في اتجاه متجه الوحدة ع. يعني هيساوي مية في اتجاه متجه الوحدة ع. يبقى كده قدرنا نوجد قيمة المتجه ج واحد ناقص المتجه ج اتنين. وكان بيساوي مية في اتجاه متجه الوحدة ع.