فيديو: حل المعادلات الخطية ذات الخطوتين في متغير واحد

أوجد قيمة ﺱ في المعادلة ١٧ − ﺱ = ١٣.

٠١:٠١

‏نسخة الفيديو النصية

أوجد قيمة س في المعادلة سبعتاشر ناقص س تساوي تلتاشر.

هنلاحظ إنه معطى في السؤال المعادلة سبعتاشر ناقص س تساوي تلتاشر، ومطلوب إني أجيب قيمة س. في البداية عشان أجيب قيمة المتغير س، هطرح من طرفَي المعادلة سبعتاشر. يعني أقدر أقول إنه سبعتاشر ناقص سبعتاشر ناقص س هتساوي تلتاشر ناقص سبعتاشر.

سبعتاشر ناقص سبعتاشر هيبقى بصفر. يعني سالب س هتساوي تلتاشر ناقص سبعتاشر، يعني سالب أربعة. عشان أتخلّص من الإشارة السالبة، هضرب طرفَي المعادلة في سالب واحد. يعني أقدر أقول إنه س هتساوي أربعة، وبكده قيمة س هي أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.