فيديو: الأنماط العددية للأعداد الصحيحة

ما الأعداد الناقصة في هذه المتسلسلة: ١٠، ٢٠، _، ٤٠، ٥٠، _، _؟

٠١:٤٩

‏نسخة الفيديو النصية

ما الأعداد الناقصة في هذه المتسلسلة: عشرة، عشرين، نقط، أربعين، خمسين، نقط، ونقط؟

لو بصّينا على تسلسُل الأعداد اللي قدامنا ده، هنلاقي إن عشرة بعدها عشرين. يعني بيحصل تزايُد. وبعدين فيه عدد ما مجهول، محتاجين نوجده. وبعدين فيه العدد أربعين. بعده خمسين. حصل برضو تزايُد. طب عايزين نحدّد العدد أو المقدار الثابت، اللي بتزيد بيه الأعداد في هذه المتسلسلة.

هنلاقي إن العدد اللي بعد العشرة، اللي هو عشرين، أزْيَد من العشرة بمقدار عشرة. وبالمثل أربعين بعدها خمسين. فخمسين أزْيَد من الأربعين بمقدار عشرة. ده معناها إن كل عدد في المتسلسلة اللي قدامنا ده، أزْيَد من العدد السابق ليه بمقدار عشرة. يبقى عشان نقدر نوجد أول عدد، مطلوب منّنا تحديده، في المتسلسلة اللي قدامنا دي. هنشوف العدد السابق ليه، اللي هو عشرين. وبعدين نضيف عليه عشرة. وكده نقدر نجيب العدد المطلوب.

عشرين زائد عشرة، هيبقى العدد المطلوب هنا تلاتين. العدد اللي بعد كده، اللي المفروض إن إحنا نوجده. هنوجده عن طريق إضافة عشرة على العدد السابق ليه، اللي هو خمسين. خمسين زائد عشرة يساوي ستين. كده أوجدنا العدد ده. وعشان نوجد آخِر عدد مطلوب في المتسلسلة اللي عندنا، هنضيف على الحدّ اللي قبله، اللي هو ستين، عشرة. ستين زائد عشرة. فالحدّ اللي عليه الدور إن إحنا نوجده هنا، اللي هو سبعين.

وكده يبقى قدرنا نوجد الأعداد اللي ناقصة في المتسلسلة اللي قدامنا. وهي: تلاتين، وستين، وسبعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.