فيديو: حساب العدد الذي يزيد بمقدار ١٠ عن عدد مُعطى ذهنيًّا‎

ما العدد المجهول؟ ٧٩ + ١٠ = ؟

٠١:١٨

‏نسخة الفيديو النصية

ما العدد المجهول؟ تسعة وسبعين زائد عشرة تساوي علامة استفهام.

عاوزين نعرف إيه العدد المجهول اللي موجود هنا مكان علامة الاستفهام دي. بس مش عاوزين نجمع بالشكل العادي. عاوزين نفهم إيه اللي جرى في السؤال. فلو بصّينا على المسألة، هنلاقي عندنا تسعة وسبعين؛ تسعة آحاد تمام، وسبعين اللي هي سبعة، في العشرات. زوّدنا عليها إيه؟ عشرة. عشرة دي يعني واحد في العشرات. عرفنا الناتج هيبقى إيه؟ الناتج هيبقى تسعة وتمانين؛ تسعة وتمانين.

طيب ليه قلنا تسعة وتمانين؟ الآحاد عندنا هنا كان فيها تسعة، ما جرالهاش أيّ حاجة، ما عملناش فيها أيّ تغيير، فنزلت تسعة زي ما هي. لكن العشرات هنا كانت سبعة. بعدين زوّدنا عليها عشرة واحدة، اللي هي واحد. فسبعة وواحد، تمنية. فعشان كده بمجرد النظر نقول إيه؟ تسعة وسبعين، لمّا نزوّد عليها عشرة، تبقى تسعة وتمانين. يبقى إحنا كده زوّدنا عشرة. وقدرنا نحسب الناتج بسهولة، من غير ما نقعد نجمع الآحاد، والعشرات، والحاجات دي كلها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.