تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: قراءة البيانات من الجدول التكراري ذي المجموعات

غادة عليوة

يوضح الجدول التكراري التالي درجات امتحان مجموعة من الطلاب. كم عدد الطلاب الذين حصلوا على ٢٠ درجة أو أكثر؟

٠٢:٠١

‏نسخة الفيديو النصية

يوضح الجدول التكراري التالي درجات امتحان مجموعة من الطلاب. كم عدد الطلاب الذين حصلوا على عشرين درجة أو أكثر؟

هنلاحظ في الجدول المعطى عندنا، إن الدرجات متقسّمة إلى فترات. فعندنا الدرجات من خمسة إلى تسعة، عدد الطلاب اللي سجلوا درجات في الفترة دي اتناشر طالب. الفترة اللي بعدها هي الدرجات من عشرة إلى أربعتاشر درجة، عدد الطلاب اللي سجلوا درجات بتقع في الفترة دي اتنين. وعندنا الدرجات من خمستاشر إلى تسعتاشر درجة، فيها عدد طلاب تسعة. والدرجات من عشرين إلى أربعة وعشرين، فعدد الطلاب اللي درجاتهم واقعة في الفترة دي هو اتناشر.

والفترة اللي بعدها الدرجات من خمسة وعشرين إلى تسعة وعشرين، ودي يقع فيها درجات أربع طلاب. الفترة اللي بعدهم الدرجات من تلاتين إلى أربعة وتلاتين، ودي سجل فيها درجات تسع طلاب. الفترة اللي بعدها هي من خمسة وتلاتين إلى تسعة وتلاتين، ودي درجات سبع طلاب بتقع في هذه الفترة. وإجمالي عدد الطلاب اللي عندنا خمسة وخمسين طالب.

دلوقتي إحنا مطلوب منّنا نوجد عدد الطلاب اللي حصلوا على عشرين درجة أو أكتر. المطلوب إننا نوجد عدد الطلاب اللي حصلوا على عشرين درجة أو أكتر. يبقى هنيجي على الفترة اللي من عشرين لأربعة وعشرين، وكل الفترات اللي بعدها، ونجمّع عدد الطلاب اللي واقع في كل فترة من الفترات دي؛ عشان كلهم الطلاب اللي فيهم سجّلوا من أول عشرين درجة فما فوق. فكده عايزين نجمع اتناشر زائد أربعة زائد تسعة زائد سبعة. لو جمّعنا الأعداد دي هيطلع الناتج اتنين وتلاتين. يبقى عدد الطلاب اللي حصلوا على عشرين درجة فأكثر هم اتنين وتلاتين طالب.