فيديو: استخدام خاصية التوزيع لضرب أعداد مكوَّنة من رقمين

إذا كان ٢١ × ٣ = ٦٣، فأوجد ٢١ × ٣٣.

٠٢:٠١

‏نسخة الفيديو النصية

إذا كان واحد وعشرين في تلاتة بيساوي تلاتة وستين، فأوجد حاصل ضرب واحد وعشرين في تلاتة وتلاتين.

عندنا معطى في السؤال. وهو إن حاصل ضرب العدد واحد وعشرين في العدد تلاتة، بيساوي تلاتة وستين. وعايزين نستخدم المعطى ده، علشان نجيب حاصل ضرب واحد وعشرين في تلاتة وتلاتين. لو فكّرنا، هنلاقي إن العدد تلاتة وتلاتين نقدر نشيله، ونكتب بداله تلاتة زائد تلاتين. ونعيد كتابة جملة الضرب اللي عندنا باستخدام المعطى ده.

جملة الضرب لمّا نكتبها بالشكل ده، معناها إننا استخدمنا خاصية من خواص عملية الضرب. واللي اسمها خاصية التوزيع. فبنضرب واحد وعشرين في تلاتة مرة. وواحد وعشرين في تلاتين المرة التانية. وبعد كده بنجمع حاصل الضرب للمرتين.

واحد وعشرين في تلاتة بيساوي تلاتة وستين. وده عرفناه من المعطى اللي عندنا. أمّا واحد وعشرين في تلاتين، فهو حاصل ضرب عدد مكوّن من رقمين، في عدد تاني مكوّن برضو من رقمين. ولكن هنلاقي في أحد عوامل الضرب، موجود صفر واحد. وبالتالي حاصل الضرب هنكتب فيه برضو صفر واحد.

وبعد ما كتبناه في حاصل الضرب، دلوقتي نقدر نعتبره مش موجود. ونضرب واحد وعشرين في تلاتة. واللي عارفين إنه بيساوي تلاتة وستين. وبكده عرفنا إن واحد وعشرين في تلاتين بيساوي العدد ستمية وتلاتين.

بعد كده هنجمع ستمية وتلاتين زائد تلاتة وستين. فهنقول إنه صفر زائد تلاتة بيساوي تلاتة. وتلاتة زائد ستة بيساوي تسعة. وما فيش غير ستة في خانة المئات، فهنكتب ستة. وبكده عرفنا نستنتج حاصل ضرب واحد وعشرين في تلاتة وتلاتين. واللي لقينا إنه بيساوي العدد ستمية تلاتة وتسعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.