تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام قسمة كثيرات الحدود لحل المسائل

أحمد لطفي

استخدم قسمة كثيرات الحدود لتبسيط (٢ﺱ^٣ + ٥ﺱ^٢ + ٧ﺱ + ٤)/(ﺱ + ١).

٠١:٤٧

‏نسخة الفيديو النصية

استخدم قسمة كثيرات الحدود لتبسيط اتنين س أُس تلاتة، زائد خمسة س أُس اتنين، زائد سبعة س زائد أربعة، الكل مقسوم على س زائد واحد.

في البداية عشان نقدر نستخدم قسمة كثيرات الحدود فهنستخدم القسمة المطوَّلة؛ فهنكتب البسط وهنكتب المقام، ‏وهنبدأ نقسم؛ اتنين س أُس تلاتة على س هيساوي اتنين س أُس اتنين، وهنرجع نضرب اتنين س أس اتنين في س هيساوي اتنين س أُس تلاتة، واتنين س أُس اتنين في واحد هيساوي اتنين س أُس اتنين. هنطرح فهيكون عندنا خمسة س أُس اتنين ناقص اتنين س أُس اتنين؛ يعني هيساوي تلاتة س أُس اتنين، زائد سبعة س، زائد أربعة.

هنقسم تلاتة س أُس اتنين على س، فهيساوي تلاتة س، وهنرجع نضرب تلاتة س في س، هيساوي تلاتة س أُس اتنين، زائد تلاتة س في واحد هيساوي تلاتة س، هنطرح فهيكون عندنا سبعة س ناقص تلاتة س، هيساوي أربعة س، زائد أربعة.

هنرجع نقسم أربعة س على س هيساوي أربعة. هنرجع نضرب أربعة في س هيساوي أربعة س، وأربعة في واحد هيساوي أربعة. هنطرح فهيكون الناتج صفر. وبمجرد وصلنا للصفر يبقى عملية القسمة المطوَّلة انتهت.

وبالتالي ناتج تبسيط المقدار اتنين س أُس تلاتة، زائد خمسة س أُس اتنين، زائد سبعة س، زائد أربعة، الكل مقسوم على س زائد واحد؛ هيكون اتنين س أس اتنين زائد تلاتة س زائد أربعة.