فيديو: إيجاد الكسور المتساوية باستخدام النماذج البصرية للكسور

أكمل باستخدم الشكل: ٢/١ = _/٦.

٠١:٤٦

‏نسخة الفيديو النصية

أكمل باستخدام الشكل: واحد على اتنين يساوي، نقط، على ستة.

معطى في السؤال الكسر الأولاني كامل، وهو نصّ. والكسر ده يساوي كسر آخر. محتاجين نجيب البسط، ومقامه معطى بستة. ومطلوب إننا نستخدم الشكل.

باستخدام التمثيل البصري للكسور المتكافئة الموضَّح قدامنا. نقدر نستنتج إنه الكسر نصّ هو عبارة عن جزء واحد ملوَّن من أصل جزأين. عشان كده كتبنا في البسط واحد والمقام اتنين. لأنه البسط بيعبِّر عن الأجزاء الملوَّنة، والمقام بيعبِّر عن العدد الكلي للأجزاء. والجزء الملوَّن في الشكل ده بيساوي الجزء الملوَّن في الشكل الآخر.

عشان نعرف الكسر الآخر بيمثِّل كام على ستة، هنعدّ عدد الأجزاء الملونة. واحد، اتنين، تلاتة. إذن هنكتب في البسط تلاتة، والعدد الكلي للأجزاء هو: واحد، اتنين، تلاتة، أربعة، خمسة، ستة. وفعلًا المقام ستة. إذن أقدر أقول: إنه بسط الكسر هو تلاتة.

وبكده أقدر أقول: إن واحد على اتنين هيساوي تلاتة على ستة. إذن الرقم اللي ناقص هو: تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.