فيديو: استخدام القيمة المكانية لكتابة الأعداد في الصورة التحليلية

أيٌّ مما يلي يساوي ٥٥‎٣٧٦‎٥٣٥‎٥٢٦؟ [أ] ٥ + ٥ + ٣ + ٧ + ٦ + ٥ + ٣ + ٥ + ٥ + ٢ + ٦ [ب] ٥ + ٥٠٠٠٠٠٠٠٠٠ + ٣٠٠٠٠٠٠٠٠ + ٧٠٠٠٠٠٠٠ + ٦ + ٥٠٠٠٠ + ٣ + ٥٠٠٠ + ٥ + ٢٠ + ٦ [ج] ٥٠٠٠٠٠٠٠٠٠٠ + ٥٠٠٠٠٠٠٠٠٠ + ٣٠٠٠٠٠٠٠٠ + ٧٠٠٠٠٠٠٠ + ٦٠٠٠٠٠٠ + ٥٠٠٠٠٠ + ٣٠٠٠٠ + ٥٠٠٠ + ٥٠٠ + ٢٠ + ٦

٠٤:٠٦

‏نسخة الفيديو النصية

أيّ مما يلي يساوي خمسة وخمسين مليار، تلتمية ستة وسبعين مليون، خمسمية خمسة وتلاتين ألف، خمسمية ستة وعشرين؟ الاختيار الأول: خمسة، زائد خمسة، زائد تلاتة، زائد سبعة، زائد ستة، زائد خمسة، زائد تلاتة، زائد خمسة، زائد خمسة، زائد اتنين، زائد ستة. الاختيار التاني: خمسة، زائد خمسة مليار، زائد تلتمية مليون، زائد سبعين مليون، زائد ستة، زائد خمسمية ألف، زائد تلاتة، زائد خمسة آلاف، زائد خمسة، زائد عشرين، زائد ستة. الاختيار التالت: خمسين مليار، زائد خمسة مليار، زائد تلتمية مليون، زائد سبعين مليون، زائد ستة مليون، زائد خمسمية ألف، زائد تلاتين ألف، زائد خمسة آلاف، زائد خمسمية، زائد عشرين، زائد ستة.

هنبدأ في تقسيم العدد اللي عندنا إلى أقسام كل قسم منهم بيتكوّن من تلات أرقام، بس آخر قسم هنلاقي إن باقي فيه رقمين بس. هنبدأ من اليمين؛ القسم الأول بنسميه الآحاد أو الوحدات وبيتكوّن من: آحاد، عشرات، مئات. القسم التاني هو قسم الألوف وبيتكوّن من: ألوف، عشرات ألوف، مئات ألوف. القسم التالت هو قسم الملايين وبيتكوّن من: الملايين، عشرات الملايين، ومئات الملايين. القسم الأخير اللي مش باقي فيه عندنا غير رقمين فقط هو قسم المليارات، وبيتكوّن من: المليارات، وعشرات المليارات.

يبقى دلوقتي لو حبينا نكتب العدد اللي عندنا ده على الصورة التحليلية، يعني على صورة مجموع الأرقام اللي بيتكوّن منها بحسب القيمة المكانية لكل رقم منهم، يعني هنبدأ بالرقم اللي موجود في أكبر خانة مكانية اللي هو خمسة في خانة عشرات المليارات، واللي هتبقى قيمته خمسين مليار؛ هنجمع عليه الرقم التاني اللي موجود في خانة المليارات اللي هو خمسة في خانة المليارات يعني قيمتها خمسة مليارات؛ نجمع عليه الرقم اللي في الخانة المكانية اللي بعد كده اللي هو تلاتة في خانة مئات الملايين، اللي هتبقى قيمته تلتمية مليون؛ وبعد كده نجمع عليهم الرقم اللي في الخانة المكانية اللي بعد كده اللي هي سبعة في خانة عشرات الملايين، واللي هتبقى قيمتها سبعين مليون؛ بعد كده نجمع الرقم اللي بعد كده اللي هو ستة في خانة الملايين، واللي هتبقى قيمته ستة ملايين؛ بعد كده الرقم اللي هو خمسة هنلاقيه موجود في خانة مئات الألوف، يعني هتبقى قيمته خمسمية ألف؛ والرقم اللي بعد كده اللي هو التلاتة هنلاقيه موجود في خانة عشرات الألوف، يعني هتبقى قيمته تلاتين ألف، يبقى هنجمع تلاتين ألف؛ وبعدين هنجمع الرقم اللي بعد كده اللي هو خمسة في خانة الألوف، يعني قيمته خمسة آلاف؛ بعد كده نجمع الرقم اللي عليه الدور اللي هو الخمسة الموجودة في خانة المئات، يعني قيمتها خمسمية، بعد كده هنجمع الرقم اللي بعد كده اللي هو اتنين في خانة العشرات، اللي هو هتبقى قيمته عشرين؛ وبعدين هنجمع آخر رقم موجود اللي هو ستة موجود في خانة الآحاد فهتبقى قيمته ستة.

ويبقى كده انتهينا من كتابة العدد اللي عندنا ده بالصورة التحليلية، يعني على شكل مجموع الأرقام اللي بيتكوّن منها كلّ بحسب قيمته المكانية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.