فيديو: ترتيب الأعداد العشرية ترتيبًا تصاعديًّا

رتب ٠٫٣١٨٣، ٣١٫٨٣، ٣١٨٫٣، ٣٫١٨٣ ترتيبًا تصاعديًّا.

٠٢:٠١

‏نسخة الفيديو النصية

رتب: تلات آلاف ومية وتلاتة وتمانين من عشرة آلاف، واحد وتلاتين وتلاتة وتمانين من مية، تلتمية وتمنتاشر وتلاتة من عشرة، تلاتة ومية وتلاتة وتمانين من ألف ترتيبًا تصاعديًّا.

عشان نقدر نرتب الأعداد تصاعديًّا، محتاجين نقارنها عشان نعرف الأكبر والأصغر، فهنكتبها بشكل رأسي حسب القيمة المكانية بالشكل ده، بعدين نضيف أصفار أماكن الأرقام الناقصة في القيم المكانية المختلفة. هنلاحظ إن الأربع أعداد بيتكونوا من نفس الأرقام بنفس الترتيب؛ فبالتالي هنقارن الأعداد بالقيم المكانية من الأكبر للأصغر، فهنلاقي إن العدد الوحيد اللي فيه رقم القيمة المكانية بتاعة المئات، هو الرقم التالت، تلتمية وتمنتاشر وتلاتة من عشرة؛ يبقى ده أكبر عدد.

بعد كده في الأعداد التلاتة اللي اتبقّت، هنلاقي إن العدد التاني هو العدد الوحيد اللي فيه رقم في القيمة المكانية بتاعة العشرات، فيبقى ده تاني أكبر رقم.

بعد كده بالمقارنة بين العددين الباقيين، هنلاقي إن العدد الرابع فيه رقم مكتوب في الآحاد، والعدد التاني ما فيهوش، يبقى ده تالت أكبر عدد؛ وبالتالي يبقى أصغر عدد هو العدد الأول.

عشان نرتب الأعداد تصاعديًّا هنرتب من الأصغر للأكبر؛ فبالتالي هيبقى أول عدد تلات آلاف ومية وتلاتة وتمانين من عشرة آلاف، يليه تلاتة ومية وتلاتة وتمانين من ألف، يليه واحد وتلاتين وتلاتة وتمانين من مية، يليه تلتمية وتمنتاشر وتلاتة من عشرة. وده الترتيب التصاعدي للأعداد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.