فيديو: حل المسائل الكلامية التي تتضمن النسب المئوية

عندما كان عاطف في اليونان، قضى ٩ ساعات و٤٥ دقيقة في زيارة الآثار. قضى ٢٠٪ من الوقت في زيارة المعابد القديمة. أيٌّ من التالي يمثِّل الساعات التي قضاها في زيارة المعابد القديمة؟ [أ] ساعتان [ب] ٧ ساعات [ج] ١١ ساعة [د] ساعة واحدة.

٠٢:٤٠

‏نسخة الفيديو النصية

عندما كان عاطف في اليونان قضى تسع ساعات وخمسة وأربعين دقيقة في زيارة الآثار. قضى عشرين في المائة من الوقت في زيارة المعابد القديمة. أيٌّ من التالي يمثّل الساعات التي قضاها في زيارة المعابد القديمة؟ أ: ساعتان. ب: سبع ساعات. ج: أحد عشر ساعة. د: ساعة واحدة.

بما إن الوقت الكلي لزيارة الآثار هو تسع ساعات وخمسة وأربعين دقيقة، وعاطف قضى منهم عشرين في المية في زيارة المعابد القديمة، يبقى الوقت اللي قضاه عاطف في زيارة المعابد القديمة هيساوي عشرين في المية في الوقت الكلي لزيارة الآثار. فنكتب الوقت الكلي على شكل عدد كسري، بعدين على شكل كسر، ده هيساوي عشرين في المية في تسعة، وخمسة وأربعين على ستين؛ وده لأن الساعة الواحدة بتتكون من ستين دقيقة.

وباستخدام التبسيط على العدد الكسري، ممكن نقسم الكسر فيه على خمستاشر في البسط والمقام؛ فالخمسة وأربعين هتبقى تلاتة، والستين هتبقى أربعة، يعني ده هيساوي عشرين في المية في تسعة وتلاتة على أربعة.

بعدين نحوّل العدد الكسري لكسر، فهنضرب الجزء الصحيح، اللي هو تسعة، في المقام، ونجمع حاصل ضربهم مع البسط، فده هيساوي عشرين في المية في … تسعة في أربعة بيساوي ستة وتلاتين، وستة وتلاتين زائد تلاتة بيساوي تسعة وتلاتين؛ يبقى تسعة وتلاتين على أربعة.

نكتب عشرين في المية على صورة كسر، فده هيساوي عشرين على مية في تسعة وتلاتين على أربعة. وباستخدام التبسيط نقسم عشرين على مية في البسط والمقام على عشرين؛ فالبسط هيبقى واحد، والمقام هيبقى خمسة، يعني ده هيساوي واحد في تسعة وتلاتين على خمسة في أربعة، وده هيساوي تسعة وتلاتين على عشرين، يعني هيساوي تقريبًا اتنين؛ فبالتالي يبقى عدد الساعات اللي قضاها في زيارة المعابد القديمة هو ساعتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.