فيديو: إيجاد الحد التالي في متتابعة مُعطاة

أوجد الحد التالي في المتتابعة ٢٨، ٣٧، ٤٦، ٥٥، ٦٤، _.

٠١:٤٨

‏نسخة الفيديو النصية

أوجد الحدّ التالي في المتتابعة: تمنية وعشرين، سبعة وتلاتين، ستة وأربعين، خمسة وخمسين، أربعة وستين، نقط.

في المتتابعة اللي قدامنا دي، عايزين نشوف العلاقة اللي بين مجموعة الحدود اللي فيها. عشان نستخدمها في إيجاد الحدّ التالي في المتتابعة، أو الحدّ الناقص اللي مطلوب مننا نوجده.

عايزين نبصّ كويس على الأعداد اللي عندنا؛ هل هي بتزيد ولّا بتنقص. عندنا أول حدّ تمنية وعشرين. اللي بعده سبعة وتلاتين. اللي بعده ستة وأربعين. يعني اللي بيحصل إن الأعداد بتزيد. طب يا ترى فيه مقدار ثابت للزيادة ولّا لأ. هنشوف. عايزين نشوف الحدّ التاني أزيد قدّ إيه بالحدّ الأول. هنلاقي إن سبعة وتلاتين أزيد من تمنية وعشرين بمقدار تسعة. طب عايزين نشوف الحدّ التالت، اللي هو ستة وأربعين، أزيد من الحدّ التاني بقدّ إيه. ستة وأربعين ناقص سبعة وتلاتين، هنلاقي إن الفرق بينهم تسعة. معناها إن الحدّ التالت أزيد من الحدّ التاني بمقدار تسعة. وبالمثل هنلاقي إن كل حدّ بيزيد عن الحدّ السابق ليه بمقدار تسعة.

يبقى عايزين نستخدم القاعدة اللي عندنا دي؛ عشان نوجد الحدّ الناقص. يبقى عشان نوجد آخر حدّ، هنضيف على الحدّ السابق ليه مباشرةً، اللي هو أربعة وستين. هنضيف عليه تسعة، اللي هي القيمة اللي بيزيد كل حدّ بيها عن الحدّ السابق ليه. لو ضِفنا تسعة على أربعة وستين؛ تسعة زائد أربعة تلتاشر. تلاتة والواحد هنخلّيه فوق خانة العشرات. واحد زائد ستة سبعة. يبقى هيبقى الناتج تلاتة وسبعين.

يبقى الحدّ التالي في المتتابعة، واللي مطلوب مننا نوجد قيمته، هو: تلاتة وسبعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.