فيديو: ترتيب مجموعة الأعداد الكسرية ذات المقامات غير المُتشابهة في المسائل الكلامية

تمرَّن أمير لمدة ٨/١ ١ ساعة، وتمرَّن سامح لمدة ١٥/٢ ١ ساعة، وتمرَّن رامي لمدة ١١/١ ١ ساعة في صالة رياضية. رتِّب الأسماء من الأكثر إلى الأقل تمرينًا.

٠٣:١٥

‏نسخة الفيديو النصية

تمرَّن أمير لمدة واحد وواحد على تمنية ساعة. وتمرّن سامح لمدة واحد واتنين على خمستاشر ساعة. وتمرَّن رامي لمدة واحد وواحد على حداشر ساعة. في صالة رياضية. رتّب الأسماء من الأكثر إلى الأقل تمرينًا.

عشان نعرف مين الأكتر أو الأقل تمرينًا فيهم، محتاجين نقارن المدة اللي اتمرَّنها كلّ منهم. وبما إن كلهم اتدرّبوا لمدة ساعة وكسر، فهنقارن الكسور. يعني محتاجين نقارن واحد على تمنية، اتنين على خمستاشر، واحد على حداشر.

وعشان نقدر نقارن الكسور، محتاجين نوحّد المقامات. فهنضرب البسط والمقام في واحد على تمنية، في خمستاشر، في حداشر. يبقى واحد على تمنية هيساوي واحد في خمستاشر في حداشر، على تمنية في خمستاشر في حداشر. وده هيساوي بعد إجراء عمليات الضرب، مية وخمسة وستين على ألف وتلتمية وعشرين.

بعد كده نضرب البسط والمقام في اتنين على خمستاشر، في تمنية، في حداشر. يبقى اتنين على خمستاشر هيساوي اتنين في تمنية في حداشر، على خمستاشر في تمنية في حداشر. وده هيساوي بعد إجراء عمليات الضرب، مية وستة وسبعين على ألف وتلتمية وعشرين.

بعد كده نضرب البسط والمقام في واحد على حداشر في تمنية، في خمستاشر. يبقى واحد على حداشر هيساوي واحد في تمنية في خمستاشر، على حداشر في تمنية في خمستاشر. وده هيساوي بعد إجراء عمليات الضرب، مية وعشرين على ألف وتلتمية وعشرين.

وبمقارنة الكسور، هنلاقي إن مية وستة وسبعين على ألف وتلتمية وعشرين. أكبر من مية وخمسة وستين على ألف وتلتمية وعشرين. أكبر من مية وعشرين على ألف وتلتمية وعشرين. ده معناه إن اتنين على خمستاشر، أكبر من واحد على تمنية، أكبر من واحد على حداشر.

وبالتالي واحد واتنين على خمستاشر، أكبر من واحد وواحد على تمنية، أكبر من واحد وواحد على حداشر. وده معناه إن ترتيبهم من الأكتر إلى الأقل تمرينًا هو سامح، وبعدين أمير، وبعدين رامي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.