تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: الشغل المبذول في عملية تتم بثبوت الضغط

مصطفى عبد السلام

يظل ضغط غاز ثابتًا عند 2.00 ضغط جوي أثناء تمدُّد الغاز في عملية تمدُّد شبه ساكنة تتم بثبوت الضغط من حجم 3.50L إلى 8.50L. ما مقدار الشغل المبذول بواسطة الغاز لزيادة حجمه؟

٠١:٤٧

‏نسخة الفيديو النصية

يظلّ ضغط غاز ثابتًا عند اتنين ضغط جوي أثناء تمدّد الغاز في عملية تمدّد شبه ساكنة، تتمّ بثبوت الضغط من حجم تلاتة وخمسين من المية لتر إلى تمنية وخمسين من المية لتر. ما مقدار الشغل المبذول بواسطة الغاز لزيادة حجمه؟

ففيه عندنا غاز، الضغط بتاعه بيساوي اتنين ضغط جوي. هيتمدّد من حجم تلاتة ونصّ لتر، ويوصل لحجم تمنية ونصّ لتر. والعملية دي هتتمّ بثبوت الضغط عند اتنين ضغط جوي. والمطلوب منّنا إن إحنا نعرف مقدار الشغل المبذول بواسطة الغاز ده.

فالشغل المبذول بواسطة غاز وهو بيتمدّد عند نفس الضغط بيساوي الضغط في فرق الحجم. وفرق الحجم ده هو عبارة عن 𝑉 اتنين ناقص 𝑉 واحد. ولمّا نعوّض بالقيم، هنلاقي إن الشغل بيساوي اتنين في الضغط الجوي، مضروبة في، تمنية ونصّ لتر ناقص تلاتة ونصّ لتر. والضغط الجوّي بيساوي مية وواحد ألف وتلتمية خمسة وعشرين باسكال. واللتر ممكن نعوّض مكانه بعشرة أُس سالب تلاتة متر مكعب.

فلمّا نعوّض بالوحدات دي. هنلاقي إن الشغل بيساوي اتنين في مية وواحد ألف وتلتمية خمسة وعشرين باسكال. مضروبة في، تمنية ونصّ ناقص تلاتة ونصّ، في عشرة أُس سالب تلاتة متر مكعب. فده هيطلّع لنا إن الشغل بيساوي واحد وواحد من المية في عشرة أُس تلاتة باسكال متر مكعب. وعلشان نعرف نختصر الوحدات، هنحوّل الباسكال لنيوتن على متر مربع.

فهنقدر كده نختصر المتر مربع مع المكعب بتاع المتر اللي فوق. ويتبقَّى لنا نيوتن في متر، اللي هي بتساوي وحدة الجول. فهنعوّض بالجول مكان النيوتن متر، وممكن كمان نعوّض مكان العشرة أُس تلاتة جول بكيلو جول. فهنطلّع إن الشغل بيساوي واحد وواحد من المية كيلو جول. وبكده نبقى عرفنا نطلّع الشغل المبذول بواسطة الغاز وهو بيتمدّد وضغطه ثابت.