فيديو: تحديد الصورة القياسية لمعادلة الخط المستقيم المُمثَّلة بيانيًّا

اكتب المعادلة المُمثَّلة بالتمثيل البياني الموضَّح. اكتب إجابتك في صورة ﺃﺱ + ﺏﺹ = ﺟ.

٠٢:٠٦

‏نسخة الفيديو النصية

اكتب المعادلة الممثّلة بالتمثيل البياني الموضح، واكتب إجابتك في صورة أ س زائد ب ص يساوي ﺟ.

في التمثيل البياني موضَّح إن المعادلة هتبقى معادلة خط مستقيم، والصورة العامة لمعادلة الخط المستقيم في صيغة الميل والجزء المقطوع من محور الصادات هي: ص يساوي م س زائد الـ ب، الجزء المقطوع من محور الصادات على التمثيل البياني هو عشرة؛ يعني قيمة الـ ب عشرة، والميل بيساوي ص اتنين ناقص ص واحد على س اتنين ناقص س واحد، حيث الـ س واحد والـ ص واحد والـ س اتنين والـ ص اتنين نقطتين على الخط المستقيم، النقطة اللي وضّحت لنا الجزء المقطوع من محور الصادات إحداثياتها صفر وعشرة، نقطة التانية اللي ممكن ناخد إحداثياتها هي النقطة اللي الـ س فيها يساوي أربعة والـ ص تساوي صفر؛ يبقى أربعة وصفر. يبقى س واحد وَ ص واحد هتبقى الصفر والعشرة، وَ س اتنين وَ ص اتنين هتبقى أربعة وصفر. بالتعويض لإيجاد الميل يبقى الميل هيساوي ص اتنين صفر وَ ص واحد عشرة، س اتنين أربعة وَ س واحد صفر؛ يبقى الميل هيساوي سالب عشرة على أربعة، يساوي سالب خمسة على اتنين بعد التبسيط.

يبقى المعادلة للخط المستقيم الممثَّل ص تساوي: سالب خمسة على اتنين س، زائد عشرة. عشان نوجدها في الصورة المطلوبة اللي هي أ س زائد ب ص يساوي ﺟ، هنضرب طرفَي المعادلة في اتنين، تبقى اتنين ص يساوي سالب خمسة س زائد عشرين، بجمع خمسة س على طرفَي المعادلة؛ يبقى خمسة س زائد اتنين ص هيساوي عشرين، ويبقى هي دي المعادلة الممثّلة بالتمثيل البياني الموضّح، والإجابة مكتوبة في صورة أ س زائد ب ص يساوي الـ ﺟ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.