فيديو: اتباع مثال لضرب الأعداد المرفوعة لأسس كسرية والتعبير عن الناتج في الصورة الجذرية

باستخدام قاعدة جمع المقادير المرفوعة لأسس كسرية، يمكننا كتابة ١١^٨/٥ × ١١^٨/٧ = ١١^(٨/٥ + ٨/٧) = ١١^٨/١٢ = ١١^٢/٣ في الصورة الجذرية ١١^٢/٣ = جذر (١١^٣) = (جذر (١١))^٣. استخدِم المثال السابق ليساعدك في إعادة كتابة ٤^٩/٧ × ٤^٩/٨ في الصورة الجذرية.

٠٢:٥٤

‏نسخة الفيديو النصية

باستخدام قاعدة جمع المقادير المرفوعة لأُسُس كسرية. يمكننا كتابة حداشر أُس، خمسة على تمنية مضروبة في حداشر أُس، سبعة على تمنية بيساوي حداشر أُس، خمسة على تمنية زائد، سبعة على تمنية. يساوي حداشر أُس، اتناشر على تمنية. يساوي حداشر أُس، تلاتة على اتنين. في الصورة الجذرية، حداشر أُس، تلاتة على اتنين يساوي الجذر التربيعي لحداشر أُس تلاتة. وده بيساوي الجذر التربيعي لحداشر الكل أُس تلاتة. استخدم المثال السابق ليساعدك في إعادة كتابة أربعة أُس، سبعة على تسعة في أربعة أُس، تمنية على تسعة في الصورة الجذرية.

في البداية، عايزين نفهم المثال السابق؛ علشان خاطر يساعدنا في حلّ المسألة بتاعتنا. حداشر أُس، خمسة على تمنية مضروبة في حداشر أُس، سبعة على تمنية. الأساس واحد، اللي هو حداشر. يبقى هنجمع الأُسُس؛ لأن من قوانين الأُسُس: أ أُس م مضروبة في أ أُس ن يساوي أ أُس، م زائد ن. هنجمع خمسة على تمنية زائد سبعة على تمنية، ده هيساوي اتناشر على تمنية. لو قسمنا البسط والمقام على أربعة، اتناشر على أربعة هيساوي تلاتة، وتمنية على أربعة بيساوي اتنين. يبقى حداشر أُس، تلاتة على اتنين.

ومن قوانين الأُسُس أيضًا، نعرف إن أ أُس، م على ن بيساوي الجذر النوني لـ أ أُس م. وده بيساوي الجذر النوني لـ أ الكل أُس م. يبقى حداشر أُس، تلاتة على اتنين هي هي الجذر التربيعي؛ لأن المقام اتنين. فهناخد الجذر التربيعي لحداشر أُس تلاتة. وده نفسه هو هو الجذر التربيعي لحداشر الكل أُس تلاتة.

عايزين نكتب أربعة أُس، سبعة على تسعة في أربعة أُس، تمنية على تسعة في الصورة الجذرية.

هنستخدم القانون جمع الأُسُس. لأن الأساس واحد، اللي هو أربعة، هيبقى أربعة أُس، سبعة على تسعة زائد، تمنية على تسعة. وده بيساوي أربعة أُس، خمستاشر على تسعة. لأن سبعة زائد تمنية بيساوي خمستاشر. خمستاشر وتسعة، الاتنين بيقبلوا القسمة على تلاتة. خمستاشر على تلاتة بيساوي خمسة. وتسعة على تلاتة بيساوي تلاتة. يعني ده بيساوي أربعة أُس، خمسة على تلاتة، أربعة أُس، خمسة على تلاتة. عرفنا إذا كان عندنا أ أُس، م على ن، فإن ده هيساوي الجذر النوني لـ أ أُس م. يعني الجذر التالت لأربعة أُس خمسة. وده بيساوي الجذر التالت لأربعة الكل أُس خمسة.

وبكده هيكون أربعة أُس، سبعة على تسعة مضروبة في أربعة أُس، تمنية على تسعة في الصورة الجذرية بتساوي الجذر التالت لأربعة الكل أُس خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.