فيديو: مركَّبات متجه

يوضح الشكل التالي متجهًا. ما إحداثيات نقطة نهاية المتجه؟ ما إحداثيات نقطة بداية المتجه؟ ما مركبتا المتجه؟

٠٢:٣٧

‏نسخة الفيديو النصية

يوضّح الشكل التالي متجهًا. وفيه تلات أسئلة عايزين نجاوب عليهم. أول سؤال: ما إحداثيات نقطة نهاية المتجه؟

المتجه بيبقى له نقطة بداية ونقطة نهاية عند رأس السهم للمتجه. وعلشان نوجد إحداثيات نقطة النهاية بننزل رأسي لغاية ما نقابل محور السينات، ونحدد قيمة السينات، هنا بسالب أربعة. ونتحرك أفقي لغاية ما نقابل محور الصادات، لغاية ما نعرف القيمة، هتطلع سالب اتنين. يبقى إحداثي نقطة نهاية المتجه هي الزوج المرتب سالب أربعة وسالب اتنين.

السؤال التاني: ما إحداثيات نقطة بداية المتجه؟

هنقف عند نقطة بداية المتجه ونتحرك رأسي لغاية ما نقابل محور السينات، هنقابله عند السالب أربعة. ونتحرك أفقي لغاية ما نقابل محور الصادات، هنقابله عند التلاتة. يبقى إحداثي نقطة بداية المتجه هي الزوج المرتب سالب أربعة وتلاتة.

السؤال التالت والأخير: ما مركّبتا المتجه؟

أي متجه لو كان س وَ ص بيساوي نقطة النهاية ناقص نقطة البداية. حيث نقطة النهاية دي بتبقى متجه موضع نقطة النهاية، ناقص نقطة البداية متّجه موضع نقطة البداية. يعني هتساوي … نقطة النهاية سالب أربعة وسالب اتنين، ونقطة البداية هي سالب أربعة وتلاتة.

بنطرح المتجهين دول؛ يبقى سالب أربعة ناقص سالب أربعة، هتبقى سالب أربعة ناقص سالب أربعة، دي مركّبة السينات للمتجه. ومركّبة الصادات هتبقى سالب اتنين ناقص التلاتة.

يبقى مركّبتي المتّجه همَا السالب أربعة ناقص سالب أربعة، يعني سالب أربعة زائد أربعة بصفر. والمركّبة التانية هتبقى سالب اتنين ناقص تلاتة، يبقى سالب خمسة. يبقى مركّبتا المتجه همَا الصفر والسالب خمسة.

وهي دي إجابات الأسئلة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.