فيديو: الضرب في الصفر والواحد

يوضح الفيديو كيفية ضرب الأعداد في ٠ و١، وأمثلةً عليها.

٠٣:٣٥

‏نسخة الفيديو النصية

دلوقتي هنتكلم عن الضرب في الصفر والواحد. هنتعلم إزاي نجيب ناتج الضرب في الصفر والواحد. هنبتدي الشرح بالمثال التالي.

اشترت ليلى أربع أحواض، وزرعت في كل منها وردة. كم وردة زرعت في الأحواض كلها؟

عشان أعرف عدد الورود في الأحواض كلها، هجيب ناتج أربعة في واحد. هستعمل قطع العَدّ، هيكون عندي أربع مجموعات زي ما هو موضح قدامي، في كل مجموعة قطعة واحدة. وبكده أقدر أقول إنه أربعة في واحد هيساوي أربعة. يعني عند ضرب أي عدد في واحد هيكون الناتج هو العدد نفسه.

وتسمى هذه الخاصية بخاصية العنصر المحايد لعملية الضرب؛ يعني لمّا ضربنا أربعة في واحد الناتج كان أربعة. لو غيرنا العدد بقى عشرة في واحد، الناتج هيساوي عشرة. لكن عند ضرب أي عدد في صفر هيكون الناتج صفر. يعني مثلًا أربعة في صفر هيساوي صفر.

هنكمل في الصفحة اللي جاية.

مثال: أوجد ناتج ضرب ستة في صفر.

بما إنه واحد في صفر هيساوي صفر، واتنين في صفر هيساوي صفر، وتلاتة في صفر هيساوي صفر، وأربعة في صفر هيساوي صفر، وخمسة في صفر هيساوي صفر؛ يبقى أكيد ستة في صفر هيساوي صفر. لأنه ناتج ضرب أي عدد في صفر هيساوي صفر.

هنكمل في الصفحة اللي جاية.

تدريبات: أجد ناتج الضرب. أ: واحد في سبعة.

بما إنه ناتج ضرب أي عدد في واحد هيساوي العدد نفسه، إذن واحد في سبعة هيساوي سبعة.

ب: خمسة في صفر.

بما إنه ناتج ضرب أي عدد في صفر هيساوي صفر، إذن خمسة في صفر هيساوي صفر.

ج: ما ناتج ضرب مية في العدد صفر؟

مية في صفر هيساوي صفر؛ لأن ناتج ضرب أي عدد في صفر هيساوي صفر.

هنكمل في الصفحة اللي جاية.

د: في أحد فصول المدرسة تسع طاولات، فإذا جلس طالب واحد على كل طاولة منها، فما عدد الطلاب الذين جلسوا على الطاولات جميعها؟

عشان أجيب عدد الطلاب اللي جلسوا على الطاولات كلها، هجيب ناتج ضرب تسعة في واحد. تسعة بتمثّل عدد الطاولات. وواحد عدد الطلاب اللي جلسوا على كل طاولة. وبكده أقدر أقول إنه تسعة في واحد هيساوي تسعة؛ لأنه ناتج ضرب أي عدد في واحد هيساوي العدد نفسه. إذن عدد الطلاب تسع طلاب.

وبكده هنكون اتعلمنا إزاي نجيب ناتج ضرب أي عدد في صفر، وأي عدد في واحد. وقلنا إنه ناتج ضرب أي عدد في واحد هيساوي العدد نفسه، وناتج ضرب أي عدد في صفر هيساوي صفر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.